ലണ്ടനിലെ മാഡം തുസാഡ്സ് വാക്സ് മ്യൂസിയത്തിൽ ദീപിക പദുക്കോണിന്റെ മെഴുകു പ്രതിമ അനാച്ഛാദനം ചെയ്തു. ദീപിക തന്നെയാണ് പ്രതിമ അനാച്ഛാദനം ചെയ്തതും. ഭർത്താവ് രണ്‍വീർ സിംഗും, അച്ഛൻ പ്രകാശ് പദുക്കോണും അമ്മ ഉജ്ജ്വല പദുക്കോണും ദീപികയ്ക്കൊപ്പം ഉണ്ടായിരുന്നു.
ഷാരൂഖ് ഖാൻ, അമിതാഭ് ബച്ചൻ, സൽമാൻ ഖാൻ, ഐശ്വര്യ റായ്, മാധുരി ദീക്ഷിത് തുടങ്ങിയ ബോളിവുഡ് താരങ്ങളുടെ മെഴുക് പ്രതിമ ഈ മ്യൂസിയത്തിൽ പ്രദർശിപ്പിച്ചിട്ടുണ്ട്. മെഴുക് പ്രതിമ അനാച്ഛാദനം ചെയ്യുന്നതിന്‍റെ ചടങ്ങുകളുടെ വീഡിയോ ദൃശ്യങ്ങൾ താരം ഇൻസ്റ്റഗ്രാമിൽ പങ്കുവച്ചിട്ടുണ്ട്.
