ബോളിവുഡ് നടി ദീപിക പദുക്കോൺ അടുത്തിടെ കരൺ ജോഹറിന്‍റെ ടോക്ക് ഷോയായ കോഫി വിത്ത് കരൺ സീസൺ 8 ന്‍റെ ആദ്യ എപ്പിസോഡിൽ ഭർത്താവും ബോളിവുഡ് നടനുമായ രൺവീർ സിങ്ങിനൊപ്പം എത്തിയിരുന്നു. ദമ്പതികൾ തങ്ങളുടെ ബന്ധത്തെക്കുറിച്ച് നിരവധി വെളിപ്പെടുത്തലുകൾ നടത്തി. എന്നാൽ ദീപിക നടത്തിയ ഒരു പ്രസ്താവന സോഷ്യൽ മീഡിയയിൽ ചർച്ചയായിരിക്കുകയാണ്.
താരം ഒരു കാഷ്വൽ ഡേറ്റിംഗിൽ നടത്തിയ പരാമർശത്തിന് സോഷ്യൽ മീഡിയ ട്രോളുമായെത്തി. എന്നാൽ താരം ഒരു തമാശ വീഡിയോയിലൂടെ എല്ലാ ട്രോളുകൾക്കും ഉചിതമായ മറുപടി നൽകിയിരിക്കുകയാണ്. അടുത്തിടെ ദീപിക പദുക്കോൺ തന്‍റെ ഇൻസ്റ്റാഗ്രാം അക്കൗണ്ടിൽ പങ്കുവെച്ച ഒരു വീഡിയോയാണ് ഇപ്പോൾ വൈറലാകുന്നത്. വൈറലായ ഒരു മീമിൽ ദീപിക ഒരു തമാശ വീഡിയോ ചെയ്തിട്ടുണ്ട്.
ദീപികയുടെ ഈ രസകരമായ വീഡിയോയ്ക്ക് കമന്‍റുകളുടെ പ്രളയമാണ്. രൺവീർ സിംഗ് വീഡിയോയോട് പ്രതികരിക്കുകയും നിരവധി ചിരിക്കുന്ന ഇമോജികൾ കമന്‍റ് ചെയ്യുകയും ചെയ്തു. തന്‍റെ ഇൻസ്റ്റാഗ്രാം സ്റ്റോറികളിൽ അദ്ദേഹം വീഡിയോ പോസ്റ്റ് ചെയ്യുകയും ചെയ്തു. ബോളിവുഡ് സംവിധായകനും-നിർമ്മാതാവും കോഫി വിത്ത് കരൺ അവതാരകനുമായ കരൺ ജോഹറും വീഡിയോയ്ക്ക് താഴെ കമന്‍റിട്ടിട്ടുണ്ട്. ‘ഐ ലവ് ലവ് ലവ് ദിസ്’ എന്നാണ് കരണിന്‍റെ കമന്‍റ്.
കോഫി വിത്ത് കരൺ അവതരണത്തിനിടെ രൺവീറിനോട് പ്രൊപ്പോസൽ ചെയ്യുന്നതുവരെ പ്രതിജ്ഞാബദ്ധമല്ലെന്ന് ദീപിക തുറന്ന് പറഞ്ഞിരുന്നു. ‘കടുത്ത ബന്ധത്തിൽ നിന്ന് പുറത്ത് വന്നതിനാൽ കുറച്ച് കാലം സിംഗിളായ് തുടരാൻ ഞാൻ ആഗ്രഹിച്ചു. പ്രതിബദ്ധത പുലർത്താൻ ഞാൻ ആഗ്രഹിക്കുന്നില്ല’. ഞാൻ അത് ആസ്വദിച്ചു! പിന്നീട് അവൻ (രൺവീർ സിംഗ്) വന്നു. അതിനാൽ അവൻ എന്നോട് വിവാഹാഭ്യർത്ഥന നടത്തുന്നത് വരെ ഞാൻ കമ്മിറ്റ് ചെയ്തില്ല. അങ്ങനെയൊരു പ്രതിബദ്ധത ഇല്ലായിരുന്നു. മറ്റുള്ളവരെ കാണാൻ പോയെങ്കിലും ഞങ്ങൾ മടങ്ങിവന്നു,’എന്നാണ് ദീപിക പറഞ്ഞത്.
ദീപികയുടെ ഈ പ്രസ്താവന പലർക്കും ഇഷ്ടപ്പെടാത്തതിനാൽ സോഷ്യൽ മീഡിയയിൽ കടുത്ത ട്രോളുകളാണ് ദീപിക നേരിടുന്നത്. ദീപികയും രൺവീറും തമ്മിലുള്ള ബന്ധം വ്യാജമാണെന്ന് ആളുകൾ പറഞ്ഞു. പകരം ചിലർ ദീപികയെ ഒരു റെഡ് ഫ്ലാഗായി കണക്കാക്കുകയും ദീപിക രൺവീറിന് അർഹയല്ലെന്നും പറഞ്ഞു.
വീഡിയോ കാണാൻ ഇവിടെ ക്ലിക്ക് ചെയ്യുക
