ലോകമെങ്ങും ആരാധകരുളള ബോളിവുഡ് സുന്ദരിയാണ് ദീപിക പദുകോണ്. ദീപികയുടെ ചിത്രങ്ങൾ സോഷ്യൽ മീഡിയ രണ്ടുകൈയും നീട്ടി സ്വീകരിക്കുകയാണ് പതിവ്. എന്നാൽ താരത്തിന്‍റെ പുതിയ ചില ചിത്രങ്ങൾ ആരാധകർക്ക് ഇഷ്ടപ്പെട്ടില്ല, എന്നുമാത്രമല്ല നല്ല രീതിയിൽ വിമർശിക്കുകയും ചെയ്തു.
കപൂർ കുടുംബത്തിലെ യുവതലമുറക്കാരനും ബോളിവുഡ് താരവുമായ രണ്‍ബീർ കപൂറിന്‍റെ കസിൻസുമായുളള ദീപികയുടെ ചിത്രങ്ങളാണ് ആരാധകരെ ചൊടിപ്പിച്ചത്. ദീപിക മദ്യപിച്ചിരിക്കുന്നു, വൾഗർ ചിത്രം എന്നിങ്ങനെ നിരവധി കമൻറുകളാണ് ചിത്രത്തിന് നേരെയുയർന്നത്. ദീപികയുടെ പുതിയ ചിത്രം പത്മാവതിയുടെ വിജയാഘോഷത്തിന്റെ ഭാഗമായി രണ്‍ബീർ കപൂറിന്‍റെ കസിൻസായ അർമാൻ, അദാർ എന്നിവരോടൊപ്പമുളള ചിത്രമാണ് ഇത്. ദീപികയെ കൂടാതെ രണ്‍വീർ സിംഗ്, ഷാഹിദ് കപൂർ തുടങ്ങിയവരാണ് പത്മാവതിയിലെ അഭിനേതാക്കൾ. അലാവുദ്ദീൻ ഖിൽജിക്ക് ചിറ്റോർ രാജകുമാരിയായ പദ്മാവതിയോട് തോന്നുന്ന പ്രണയമാണ് ചിത്രത്തിന്‍റെ ഇതിവൃത്തം.
