ബോളിവുഡിലെ സൂപ്പർ സുന്ദരി ദീപിക പദുക്കോണിന്റെ പുതിയ ചിത്രങ്ങൾ സോഷ്യൽമീഡിയയിൽ വൈറലായി. ചുവന്ന ഓഫ് ഷോൾഡർ ഗൗണ്‍ ധരിച്ചെടുത്ത പുതിയ ചിത്രങ്ങളാണ് ദീപിക കഴിഞ്ഞ ദിവസം സോഷ്യൽ മീഡിയയിൽ പങ്കുവച്ചത്.
ക്ലോസ് അപ് ലുക്കിലുള്ള രണ്ടു ചിത്രവും ഒരു ഫുൾ ലംഗ്ത് ഫോട്ടോയുമാണ് ദീപിക പങ്കുവച്ചത്. ചിത്രങ്ങൾക്കു താഴെയായി ദീപിക കുറിച്ച അടിക്കുറിപ്പാണ് ശ്രദ്ധേയം. “ആളുകൾക്ക് വിശപ്പ് ഉണ്ടാക്കുന്ന നിറമാണ് ചുവപ്പ്. ആളുകളുടെ ശ്രദ്ധയാകർഷിക്കുകയും ചെയ്യും. ചുവപ്പ് ആളുകളെ ആവേശത്തിലാക്കുകയും ഉൗർജം നൽകുകയും ചെയ്യും, കൂടാതെ ഹൃദയമിടിപ്പ് വർധിപ്പിക്കും. ഇക്കാര്യങ്ങളാണ് ഞാൻ ചെയ്യാൻ പോകുന്നത്- ദീപിക തന്‍റെ ഇൻസ്റ്റഗ്രാം പോസ്റ്റിൽ കുറിച്ചു.
അതേസമയം ദീപികയുടെ ഇൻസ്റ്റഗ്രാം പോസ്റ്റിന് താഴെയായി രണ്‍വീർ സിംഗ് കുറിച്ച കമന്‍റ് ശ്രദ്ധേയമായി മാറിയിരുന്നു. ഈ കാര്യങ്ങളെല്ലാം ഇപ്പോൾ എനിക്ക് സംഭവിച്ചുകൊണ്ടിരിക്കുകയാണ് എന്നായിരുന്നു രണ്‍വീർ സിംഗ് കുറിച്ചത്.
