ക്വാ​റി ഉ​ട​മ​ ദീപുവിന്‍റെ കൊ​ല​പാ​ത​കം ആ​സൂ​ത്രി​ത​മെ​ന്ന് പോ​ലീ​സ് ; പി​ടി​യി​ലാ​യ അ​ന്പി​ളി​യു​ടെ വീ​ട്ടി​ൽ​നി​ന്ന് ഏ​ഴ​ര ല​ക്ഷം രൂ​പ ക​ണ്ടെ​ടു​ത്തു

പാ​റ​ശാ​ല: ക​ളി​യി​ക്ക​വി​ള​യി​ൽ ക്വാ​റി ഉ​ട​മ​യെ കൊ​ല​പ്പെ​ടു​ത്തി​യ സം​ഭ​വം ആ​സൂ​ത്രി​ത​കൊ​ല​പാ​ത​ക​മെ​ന്നു പോ​ലീ​സ്. സം​ഭ​വ​വു​മാ​യി ബ​ന്ധ​പ്പെ​ട്ട് ക​സ്റ്റ​ഡി​യി​ലു​ള്ള അ​ന്പി​ളി​യു​ടെ വീ​ട്ടി​ൽ നി​ന്നും ഏ​ഴ​ര ല​ക്ഷം രൂ​പ പോ​ലീ​സ് ക​ണ്ടെ​ടു​ത്തു. തി​ങ്ക​ളാ​ഴ്ച രാ​ത്രി പ​തി​നൊ​ന്നു മ​ണി​യോ​ടെ​യാ​ണ് മ​ല​യി​ൻ​കീ​ഴ് മ​ണ​പ്പാ​ട് മു​ല്ല​മ്പ​ള്ളി ഹൗ​സി​ൽ എ​സ് ദീ​പു (46 ) നെ ​കാ​റി​നു​ള്ളി​ൽ ക​ഴു​ത്ത​റു​ത്തു കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്.​

സം​ഭ​വു​മാ​യി ബ​ന്ധ​പ്പെ​ട്ടു കൊ​ടും കു​റ്റ​വാ​ളി​യാ​യ സ​ജി​കു​മാ​ർ എ​ന്ന​പേ​രി​ല​റി​യ​പ്പെ​ടു​ന്ന ചൂ​ഴാ​റ്റു​കോ​ട്ട അ​മ്പി​ളി​യെ പോ​ലീ​സ് പി​ടി​കൂ​ടി​യി​രു​ന്നു. പോ​ലീ​സി​ന്‍റെ ചോ​ദ്യം ചെ​യ്യ​ലി​ൽ പ​ര​സ്പ​ര വി​രു​ദ്ധ​മാ​യി മൊ​ഴി ന​ൽ​കി​യെ​ങ്കി​ലും ഒ​ടു​വി​ൽ കൊ​ല​പാ​ത​കം ന​ട​ത്തി​യെ​ന്ന് സ​മ്മ​തി​ക്കു​ക​യും പ​ണ​ത്തെ കു​റി​ച്ച് അ​റി​യി​ല്ലെ​ന്ന് പ​റ​യു​ക​യും ചെ​യ്തു.

മാ​ത്ര​മ​ല്ല തെ​ളി​വ് ഉ​ണ്ടാ​കാ​തി​രി​ക്കാ​നാ​ണ് കാ​റി​ൽ​നി​ന്നും ഇ​റ​ങ്ങി മു​ട​ന്തി മു​ട​ന്തി ന​ട​ന്ന​തെ​ന്നും ബ​സി​ൽ ക​യ​റി ക​ളി​യി​ക്കാ​വി​ള​യി​ൽ ഇ​റ​ങ്ങി​യ​തെ​ന്നും മൊ​ഴി ന​ൽ​കി​യി​രു​ന്നു.എ​ന്നാ​ൽ അ​മ്പി​ളി​യു​ടെ ഭാ​ര്യ​യെ ക​സ്റ്റ​ഡി​യി​ൽ എ​ടു​ത്തു ചോ​ദ്യം ചെ​യ്ത​പ്പോ​ൾ പ​ണം വീ​ട്ടി​ലു​ണ്ട​ന്ന് മൊ​ഴി​ന​ൽ​കു​ക​യാ​യി​രു​ന്നു. തു​ട​ർ​ന്ന് പോ​ലീ​സ് വീ​ട്ടി​ലെ​ത്തി പ​രി​ശോ​ധ​ന ന​ട​ത്തി ഏ​ഴ​ര ല​ക്ഷം രൂ​പ ക​ണ്ടെ​ടു​ത്തു.

തെ​ളി​വ് ന​ശി​പ്പി​ക്കു​ന്ന​തി​ന്‍റെ ഭാ​ഗ​മാ​യി മൊ​ബൈ​ൽ ഫോ​ൺ വീ​ട്ടി​ൽ​വ​ച്ചി​ട്ടാ​ണ് അ​മ്പി​ളി വ​ന്ന​ത്.​എ​ന്നാ​ൽ ക​ളി​യി​ക്കാ​വി​ള​യി​ലെ ഒ​രു മെ​ഡി​ക്ക​ൽ സ്റ്റോ​റി​ൽ ക​യ​റി ഉ​ട​മ​യു​ടെ ഫോ​ൺ വാ​ങ്ങി ദീ​പു​വി​നെ വി​ളി​ച്ച​താ​ണ് അ​മ്പി​ളി​ക്ക് വി​ന​യാ​യ​തും പൊ​ലീ​സി​ന് തു​മ്പാ​യ​തും. വ്യാ​പ​ക പ​രി​ശോ​ധ​ന ന​ട​ത്തു​ക​യാ​യി​രു​ന്ന പൊ​ലീ​സി​ന് മെ​ഡി​ക്ക​ൽ സ്റ്റോ​റു​ട​മ ത​ന്‍റെ ഫോ​ൺ ഒ​രു അ​പ​രി​ചി​ത​ൻ വാ​ങ്ങി വി​ളി​ച്ചെ​ന്നും ന​മ്പ​ർ മാ​യ്ച്ചു ക​ള​ഞ്ഞെ​ന്നും അ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് സ്റ്റോ​റി​ലെ സി​സി​ടി​വി ദൃ​ശ്യം പ​രി​ശോ​ധി​ച്ച​തി​ന്‍റെ അ​ടി​സ്ഥാ​ന​ത്തി​ൽ ആ​ളെ ക​ണ്ട​ത്തു​ക​യും തു​ട​ർ​ന്ന് ഈ ​ദൃ​ശ്യ​വു​മാ​യി ദീ​പു​വി​ന്‍റെ ജീ​വ​ന​ക്കാ​രെ കാ​ണി​ക്കു​ക​യും ചെ​യ്ത​പ്പോ​ഴാ​ണ് അ​ത് അ​മ്പി​ളി​യാ​ണെ​ന്നു പോ​ലീ​സ് ഉ​റ​പ്പി​ച്ച​ത്.അ​തേ​സ​മ​യം കൊ​ല​പാ​ത​ക​ത്തി​നു പി​ന്നി​ലു​ള്ള കാ​ര​ണ​ത്തെ​ക്കു​റി​ച്ച് കൂ​ടു​ത​ൽ വി​വ​ര​ങ്ങ​ൾ ഇ​തു​വ​രെ പോ​ലീ​സ് പു​റ​ത്തു​വി​ട്ടി​ട്ടി​ല്ല.

അ​മ്പി​ളി അ​ടി​ക്ക​ടി മൊ​ഴി​മാ​റ്റു​ന്ന​ത് കൊ​ല​പാ​ത​ക​ത്തി​ല്‍ കൂ​ടു​ത​ല്‍ പേ​ര്‍​ക്ക് പ​ങ്കു​ള്ള​തി​നാ​ലാ​ണോ എ​ന്ന് പോ​ലീ​സ് സം​ശ​യി​ക്കു​ന്നു​ണ്ട്. കാ​റി​ല്‍ നി​ന്നും കാ​ണാ​താ​യ 10 ല​ക്ഷം രൂ​പ​യി​ല്‍ അ​വ​ശേ​ഷി​ക്കു​ന്ന മൂ​ന്നു ല​ക്ഷം രൂ​പ എ​വി​ടെ​യെ​ന്നും ക​ണ്ടെ​ത്തേ​ണ്ട​തു​ണ്ട്.​ അ​ന്വേ​ഷ​ണം മ​ണ്ണു​മാ​ന്തി യ​ന്ത്ര പ​ണി​ക്കാ​രി​ലേ​ക്കും വ്യാ​പി​ച്ച​താ​യും കൂ​ടു​ത​ൽ പേ​ർ ഉ​ൾ​പ്പെ​ട്ടി​ട്ടു​ണ്ടോ​യെ​ന്ന് അ​ന്വേ​ഷി​ക്കു​ന്ന​താ​യും പോ​ലീ​സ് പ​റ​ഞ്ഞു.