ന്യൂഡൽഹി: ഡൽഹി നഗരത്തിലെ വായുമലിനീകരണം വീണ്ടും ഗുരുതരാവസ്ഥയിൽ.
നഗരത്തിലെ മൊത്തത്തിലുള്ള വായുവിന്‍റെ ഗുണനിലവാരത്തിൽ കഴിഞ്ഞ ദിവസം നേരിയ പുരോഗതി രേഖപ്പെടുത്തിയ ശേഷം ഇന്നു വീണ്ടും ഗുരുതരാവസ്ഥയിലേക്ക് കൂപ്പുകുത്തി.
സെൻട്രൽ പൊല്യൂഷൻ കൺട്രോൾ ബോർഡിന്‍റെ (സിപിസിബി) കണക്കുകൾ പ്രകാരം, നഗരത്തിലെ മൊത്തത്തിലുള്ള വായു ഗുണനിലവാര സൂചിക (എക്യുഐ) ഇന്നു രാവിലെ ആറിന് 418 ആണ്. ഇന്നലെ 396 ആയിരുന്നു. തിങ്കളാഴ്ച 437 വരെ ഉയർന്നിരുന്നു.
