പിതാവിനെ ബ്ലേഡ് ഉപയോഗിച്ച് കഴുത്തറത്ത് കൊന്നു; മൃതദേഹം ദഹിപ്പിക്കാൻ ശ്രമിക്കുന്നതിനിടെ പ്രതി പിടിയിൽ

പി​താ​വി​നെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ പ്ര​തി പോ​ലീ​സ് പി​ടി​യി​ൽ. മൃ​ത​ദേ​ഹം സം​സ്ക​രി​ക്കാ​ൻ ശ്മ​ശാ​ന​ത്തി​ൽ എ​ത്തി​ച്ച​തി​ന് പി​ന്നാ​ലെ ശരീരത്തിൽ പാടുകൾ കണ്ടതിനെ തുടർന്ന് ശ്മ​ശാ​ന​ത്തി​ലെ ജീ​വ​ന​ക്കാ​ര​ൻ പോ​ലീ​സി​ൽ വി​വ​രം അ​റി​യി​ക്കു​ക​യാ​യി​രു​ന്നു. ഡ​ൽ​ഹി​യി​ലെ പ​ഞ്ചാ​ബി ബാ​ഗി​ലാ​ണ് സം​ഭ​വം. 

വി​വ​രം അ​റി​ഞ്ഞ​തി​നെ തു​ട​ർ​ന്ന് ​പ​ഞ്ചാ​ബി ബാ​ഗ് പോ​ലീ​സ് സ്റ്റേ​ഷ​നി​ൽ നി​ന്നു​ള്ള ഉ​ദ്യോ​ഗ​സ്ഥ​ർ പ​ശ്ചി​മ പു​രി ശ്മ​ശാ​ന ഗ്രൗ​ണ്ടി​ൽ എ​ത്തി. പ​ഞ്ചാ​ബി ബാ​ഗി​ലെ മാ​ദി​പൂ​ർ ഗ്രാ​മ​ത്തി​ൽ നി​ന്നു​ള്ള റി​ങ്കു യാ​ദ​വ് ത​ന്‍റെ പി​താ​വ് സ​തീ​ഷ് യാ​ദ​വി​ന്‍റെ മൃ​ത​ദേ​ഹ​ത്തോ​ടൊ​പ്പം അ​ന്ത്യ​ക​ർ​മ​ങ്ങ​ൾ​ക്കാ​യി അ​വി​ടെ​യു​ണ്ടാ​യി​രു​ന്നു. 

മൃതദേഹത്തിന്‍റെ ക​ഴു​ത്തി​ലും കൈ​ത്ത​ണ്ട​യി​ലും ചി​ല ശ​സ്ത്ര​ക്രി​യാ മു​റി​വു​ക​ൾ ശ്ര​ദ്ധ​യി​ൽ​പ്പെ​ട്ട​താ​യും അ​തി​നാ​ൽ പോ​ലീ​സ് ക​ൺ​ട്രോ​ൾ റൂ​മി​ലേ​ക്ക് വി​ളി​ച്ച​താ​യും ശ്മാനത്തിലെ ജീവനക്കാരൻ പറഞ്ഞു. തു​ട​ർ​ന്ന് ഡ​ൽ​ഹി പോ​ലീ​സി​ന്‍റെ ചോ​ദ്യം ചെ​യ്യ​ലി​ൽ ബ്ലേ​ഡ് ഉ​പ​യോ​ഗി​ച്ച് പി​താ​വി​ന്‍റെ ക​ഴു​ത്ത​റു​ത്ത​താ​യി റി​ങ്കു യാ​ദ​വ് സ​മ്മ​തി​ച്ചു.

റി​ങ്കു പ​റ​യു​ന്ന​ത​നു​സ​രി​ച്ച് ത​ന്‍റെ പി​താ​വ് സ്ഥി​ര​മാ​യി മ​ദ്യ​പി​ക്കു​ക​യും കു​ടും​ബ​ത്തി​ൽ പ്ര​ശ്ന​മു​ണ്ടാ​ക്കു​ക​യും ചെ​യ്തി​രു​ന്നു. കൊ​ല​പാ​ത​ക​ത്തി​ന് കേ​സ് ര​ജി​സ്റ്റ​ർ ചെ​യ്ത​താ​യും റി​ങ്കു​വി​നെ അ​റ​സ്റ്റ് ചെ​യ്ത​താ​യും പോ​ലീ​സ് അ​റി​യി​ച്ചു.