ക​രു​തി​യി​രി​ക്ക​ണം! പ​ട്ടാ​പ്പ​ക​ൽ ഡെ​ലി​വ​റി ബോ​യ് ച​മ​ഞ്ഞ് വീ​ട് ക​യ​റി യു​വ​തി​യെ അ​ടി​ച്ചു​വീ​ഴ്ത്തി പി​ടി​ച്ചു​പ​റി; സംഭവത്തെക്കുറിച്ച് പറയുന്നത് ഇങ്ങനെ…

കാ​ഞ്ഞി​ര​പ്പ​ള്ളി: പ​ട്ടാ​പ്പ​ക​ൽ ഡെ​ലി​വ​റി ബോ​യ് ച​മ​ഞ്ഞ് വീ​ട്ടി​ൽ ക​യ​റി യു​വ​തി​യെ അ​ടി​ച്ചു​വീ​ഴ്ത്തി മാ​ല ക​വ​ർ​ന്നു. കാ​ഞ്ഞി​ര​പ്പ​ള്ളി​ക്ക് സ​മീ​പം കൂ​വ​പ്പ​ള്ളി​യി​ലാ​ണ് സം​ഭ​വം.

ആ​ല​മ്പ​ര​പ്പ് കൊ​ച്ചു​മാ​ട​ശേ​രി അ​ജി​ത്തി​ന്‍റെ ഭാ​ര്യ ഊ​ർ​മി​ള (23) ആ​ണ് ആ​ക്ര​മ​ണ​ത്തി​നി​ര​യാ​യ​ത്. ക​ള്ള​ന്‍റെ ആ​ക്ര​മ​ണ​ത്തി​ൽ പ​രി​ക്കേ​റ്റ യു​വ​തി ആ​ശു​പ​ത്രി​യി​ൽ ചി​കി​ത്സ തേ​ടി.

ഇ​ന്ന് രാ​വി​ലെ 11 ഓ​ടെ​യാ​ണ് സം​ഭ​വ​മു​ണ്ടാ​യ​ത്. യു​വ​തി​യും നാ​ലും ര​ണ്ടും വ​യ​സു​ള്ള കു​ട്ടി​ക​ളു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ഫ്ലി​പ്കാ​ർ​ട്ടി​ൽ നി​ന്നും ഡെ​ലി​വ​റി​യു​മാ​യി എ​ത്തി​യ​യാ​ൾ എ​ന്ന വ്യാ​ജേ​ന​യാ​ണ് ക​ള്ള​നെ​ത്തി​യ​ത്.

ഫ്ലി​പ്കാ​ർ​ട്ടി​ൽ സാ​ധ​നം ഓ​ർ​ഡ​ർ ചെ​യ്തി​രു​ന്ന​തി​നാ​ലും ഡെ​ലി​വ​റി ബോ​യ്സി​ന്‍റെ തോ​ളി​ൽ കാ​ണു​ന്ന ബാ​ഗു​ണ്ടാ​യി​രു​ന്ന​തി​നാ​ലും യു​വ​തി​ക്ക് സം​ശ​യം തോ​ന്നി​യി​ല്ല.

മാ​ല പൊ​ട്ടി​ക്കാ​ൻ ശ്ര​മി​ച്ച​തോ​ടെ യു​വ​തി ത​ട​യാ​ൻ നോ​ക്കി. പി​ന്നാ​ലെ യു​വ​തി​യെ മു​ഖ​ത്തി​ടി​ച്ച് വീ​ഴ്ത്തി​യ ശേ​ഷം മാ​ല പൊ​ട്ടി​ച്ച് മോ​ഷ്ടാ​വ് ര​ക്ഷ​പെ​ടു​ക​യാ​യി​രു​ന്നു.

ര​ണ്ടു​പേ​രാ​ണ് എ​ത്തി​യ​തെ​ന്ന് പി​ന്നീ​ട് യു​വ​തി പോ​ലീ​സി​ന് മൊ​ഴി ന​ൽ​കി. ക​ള്ള​ന്‍റെ പി​ന്നാ​ലെ ഓ​ടി​യ​പ്പോ​ൾ റോ​ഡി​ൽ മ​റ്റൊ​രാ​ൾ ബൈ​ക്കി​ൽ കാ​ത്തു​നി​ൽ​പ്പു​ണ്ടാ​യി​രു​ന്ന​തും യു​വ​തി ക​ണ്ടു.

ഈ ​ബൈ​ക്കി​ന്‍റെ പി​ന്നി​ൽ ക​യ​റി​യാ​ണ് മാ​ല പൊ​ട്ടി​ച്ച​യാ​ൾ ക​ട​ന്നു​ക​ള​ഞ്ഞ​ത്. മാ​സ്കും ഫേ​സ് ഷീ​ൽ​ഡും ധ​രി​ച്ചാ​ണ് വീ​ട്ടി​ൽ ക​യ​റി​യ​യാ​ൾ എ​ത്തി​യ​ത്. അ​തി​നാ​ൾ ക​ള്ള​ന്‍റെ മു​ഖം വ്യ​ക്ത​മാ​യി​ല്ല.

ക​ഴു​ത്തി​ൽ നി​ന്നും ന​ഷ്ട​മാ​യ ആ​ഭ​ര​ണം മു​ക്കു​പ​ണ്ട​മാ​ണെ​ന്ന് യു​വ​തി പ​റ​ഞ്ഞു. സം​ഭ​വ​ത്തി​ൽ കാ​ഞ്ഞി​ര​പ്പ​ള്ളി പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.

പ്ര​ദേ​ശ​ത്ത് സ​മാ​ന​രീ​തി​യി​ൽ മു​ൻ​പും സം​ഭ​വ​മു​ണ്ടാ​യി​ട്ടു​ണ്ടെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.