തിരുവനന്തപുരം: എല്ലാ ഞായറാഴ്ചയും ഡ്രൈ ഡേ ആയിരിക്കുമെന്ന് മുഖ്യമന്ത്രി പിണറായി വിജയൻ. കാലവ‍ർഷം വരികയാണ്. മൂന്നോ നാലോ വ‍ർഷം കൂടുമ്പോൾ ഡെങ്കിപ്പനി ശക്തമായി വരുന്ന പ്രവണതയുണ്ട്.
2017-ൽ വ്യാപകമായി ഡെങ്കിപ്പനി വന്നിരുന്നു. ഈ വ‍ർഷവും അങ്ങനെ ഉണ്ടാവാൻ സാധ്യതയുണ്ട്. ഈ സാഹചര്യത്തിൽ ഇനി മുതൽ എല്ലാ ഞായറാഴ്ചയും ഡ്രൈ ഡേ ആയിരിക്കുമെന്നും മുഖ്യമന്ത്രി പറഞ്ഞു.
വീട്ടിലും പരിസരത്തും വെള്ളം കെട്ടിക്കിടക്കാൻ അനുവദിക്കരുത്. വീടും പരിസരവും വൃത്തിയായി കൊണ്ടു നടക്കുകയും കൊതുകുകളെ പ്രതിരോധിക്കുകയും വേണമെന്നും മുഖ്യമന്ത്രി പറഞ്ഞു.
