കാഞ്ഞിരപ്പള്ളി, മുണ്ടക്കയം മേഖലകളിൽ ഡെ​ങ്കി​പ്പ​നി പടരുന്നു; കൊ​തു​കു പെ​രു​കാ​നു​ള്ള സാ​ഹ​ച​ര്യം ഒ​ഴി​വാ​ക്ക​ണ​മെ​ന്ന മുന്നറിയിപ്പുമായി  ആ​രോ​ഗ്യ​വ​കു​പ്പ്

കോ​ട്ട​യം: മു​ണ്ട​ക്ക​യം, കാ​ഞ്ഞി​ര​പ്പ​ള്ളി മേ​ഖ​ല​ക​ളി​ൽ ഡെ​ങ്കി​പ്പ​നി പ​ട​ർ​ന്നു പി​ടി​ക്കു​ന്നു. കാ​ലാ​വ​സ്ഥാ വ്യ​തി​യാ​നം​മൂ​ലം കു​ട്ടി​ക​ളും പ്രാ​യ​മാ​യ​വ​രു​മാ​ണ് കൂ​ടു​ത​ലാ​യും പ​നി​യു​ടെ പി​ടി​യി​ൽ അ​ക​പ്പെ​ട്ടി​രി​ക്കു​ന്ന​ത്.ഇ​ട​ക്കു​ന്നം, വ​ട​ക്കേ​മ​ല മേ​ഖ​ല​ക​ളി​ൽ നി​ര​വ​ധി പേ​ർ​ക്കു ഡെ​ങ്കി​പ്പ​നി സ്ഥി​രീ​ക​രി​ച്ചി​ട്ടു​ണ്ട്.

ഇ​തോ​ടെ ഈ ​പ്ര​ദേ​ശ​ങ്ങ​ളി​ൽ ആ​രോ​ഗ്യ വ​കു​പ്പ് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു ക​ഴി​ഞ്ഞു. ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി കൊ​തു​ക് പെ​രു​കു​ന്ന സ്ഥ​ല​ങ്ങ​ൾ ക​ണ്ടെ​ത്തി ന​ശി​പ്പി​ക്കു​ക​യും പ്ര​ദേ​ശ​ത്ത് ഫോ​ഗിം​ഗ് ന​ട​ത്തു​ക​യും ചെ​യ്തി​രു​ന്നു.

കൊ​തു​കു​ക​ളു​ടെ സാ​ന്ദ്ര​ത താ​ലൂ​ക്കി​ന്‍റെ പ​ല മേ​ഖ​ല​ക​ളി​ലും കൂ​ടു​ത​ലാ​ണ്. മ​ഴ​വെ​ള്ളം വീ​ടി​ന്‍റെ പ​രി​സ​ര​ങ്ങ​ളി​ൽ കെ​ട്ടി​ക്കി​ട​ക്കു​വാ​ൻ ഇ​ട​വ​രാ​തെ സൂ​ക്ഷി​ക്ക​ണം. സ​ർ​ക്കാ​ർ ആ​ശു​പ​ത്രി​ക​ളി​ൽ നി​ന്നും പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ൽ നി​ന്നും സൗ​ജ​ന്യ​മാ​യി ല​ഭി​ക്കു​ന്ന ക്ലോ​റി​ൻ പൊ​ടി ഉ​പ​യോ​ഗി​ച്ച് ജ​ല​സ്രോ​ത​സു​ക​ളി​ൽ ക്ലോ​റി​നേ​ഷ​ൻ ന​ട​ത്തു​ക​യും ചെ​യ്താ​ലേ കൊ​തു​കു ശ​ല്യം ഒ​ഴി​വാ​ക്കാ​ൻ സാ​ധി​ക്കൂ.

മു​ണ്ട​ക്ക​യം, കാ​ഞ്ഞി​ര​പ്പ​ള്ളി മേ​ഖ​ല​ക​ളു​ടെ ഭൂ​രി​ഭാ​ഗം പ്ര​ദേ​ശ​ങ്ങ​ളും റ​ബ​ർ തോ​ട്ട​ങ്ങ​ളാ​ൽ നി​റ​ഞ്ഞ​താ​ണ്. വ​ൻ​കി​ട എ​സ്റ്റേ​റ്റു​ക​ളും ചെ​റു​കി​ട റ​ബ​ർ ക​ർ​ഷ​ക​രും ഉ​ള്ള മേ​ഖ​ല​യി​ൽ റ​ബ​ർ ചി​ര​ട്ട​യി​ലെ ജ​ല​ത്തി​ൽ കൊ​തു​കു​ക​ൾ പെ​രു​കു​ക​യും രോ​ഗം പ​ര​ത്തു​ക​യും ചെ​യ്യു​ന്നു​വെ​ന്നു ആ​രോ​ഗ്യ​വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു.

റ​ബ​ർ പാ​ൽ ശേ​ഖ​രി​ച്ച​ശേ​ഷം ക​മ​ഴ്ത്തി​വ​യ്ക്കാ​ത്ത ചി​ര​ട്ട​യി​ലെ വെ​ള്ള​ത്തി​ലാ​ണ് കൊ​തു​കു​ക​ൾ മു​ട്ട​യി​ട്ടു പെ​രു​കു​ന്ന​ത്. ഇ​ങ്ങ​നെ കൊ​തു​കു പെ​രു​കാ​നു​ള്ള സാ​ഹ​ച​ര്യം ഒ​ഴി​വാ​ക്ക​ണ​മെ​ന്നു ആ​രോ​ഗ്യ​വ​കു​പ്പ് മു​ന്ന​റി​യി​പ്പ് ന​ല്കി​യി​രു​ന്നു.