ദേ​ശം ഓർമയായെങ്കിലും ദേശക്കല്ല് ഇന്നും സ്മ​ര​ണ​ക​ളു​യ​ർത്തുന്നു

പി.​എ.​പ​ത്മ​കു​മാ​ർ
കൊ​ട്ടാ​ര​ക്ക​ര: കാ​ല​ച​ക്ര​ത്തി​ന്‍റെ ഗ​തി​വേ​ഗ​ത്തി​ൽ ദേ​ശം ത​ന്നെ ഇ​ല്ലാ​തായി. ​നാ​ട​ട​ക്കി ഭ​രി​ച്ചി​രു​ന്ന ദേ​ശ വാ​ഴി​കളും ​ഓ​ർ​മ്മ​യാ​യി.​എ​ന്നാ​ൽ ദേ​ശാ​തി​ർത്തി ​നി​ശ്ച​യി​ച്ചി​രു​ന്ന ദേ​ശ​ക്ക​ല്ല് ഒ​രു നാ​ടി​ന്‍റെആ​രാ​ധ​നാ​മൂ​ർ​ത്തി​യാ​യി ഇ​ന്നും നി​ല​നി​ൽ​ക്കു​ന്നു. കൊ​ട്ടാ​ര​ക്ക​ര,പു​ത്തൂ​രി​ലെ ക​ല്ല​ട​യാ​റി​ന്‍റെ തീ​ര​ഗ്രാ​മ​മാ​യ ആ​റ്റു​വാ​ശ്ശേ​രി​യി​ലാ​ണ് നാ​ടി​ന്‍റെ ആ​രാ​ധ​ന​ക​ളേ​റ്റു​വാ​ങ്ങി ഇ​ന്നും ദേ​ശ​ക്ക​ല്ല് സ്ഥി​തി ചെ​യ്യു​ന്ന​ത്.

ച​രി​ത്ര​വും ഐ​തീ​ഹ്യ​വും കെ​ട്ടു​പി​ണ​ഞ്ഞു കി​ട​ക്കു​ന്ന മ​ണ്ണ​ടി ദേ​ശ​ത്തി​ന്‍റെ അ​തി​ർ​ത്തി നി​ർ​ണ്ണ​യി​ച്ച് സ്ഥാ​പി​ച്ചി​രു​ന്ന ദേ​ശ മു​ദ്ര​യു​ള്ള ക​ല്ലു​ക​ളാ​ണ് ദേ​ശ​ക്ക​ല്ലു​ക​ൾ.​ഇ​വ​യി​ൽ ഇ​ന്ന​വ​ശേ​ഷി​ക്കു​ന്ന എ​ക അ​തി​ർ​ത്തിക്ക​ല്ലാ​ണ് ആ​റ്റു​വാ​ശ്ശേ​രി​യി​ലു​ള്ള​ത്. ശൂ​ല​വും വാ​ളും കൊ​ത്തി​യി​ട്ടു​ള്ള ഈ ​ക​ല്ല് റോ​ഡ​രു​കി​ലാ​ണ് സ്ഥി​തി ചെ​യ്യു​ന്ന​ത്.​ഈ ഭാ​ഗം ദേ​ശ​ക്ക​ല്ലു​മു​ക്കെ​ന്നും ഇ​പ്പോ​ൾ അ​റി​യപ്പെ​ടു​ന്നു. ഈ ​ക​ല്ലി​നു മു​ന്നി​ൽ രാ​വി​ലെയും ​വൈ​കുന്നേരവും വി​ള​ക്കു​തെ​ളി​യി​ച്ചാ​ണ് നാ​ട്ടു​കാ​രു​ടെ ആ​രാ​ധ​ന.

തി​രു​വി​താം​കൂ​ർ ച​രി​ത്ര​ത്തോ​ടൊപ്പം ​മൂ​ന്നു ദേ​ശ​ങ്ങ​ളും ദേ​ശ​വാ​ഴി​ക​ളു​മാണ് ​പു​ത്തൂ​രി​ലും പ​രി​സ​ര പ്ര​ദേ​ശ​ങ്ങ​ളിലു​മാ​യി ഉ​ണ്ടാ​യി​രു​ന്ന​ത്. കു​ഴി​ക്ക​ലി​ട വ​ക, പു​ത്തൂ​ർ ക​ണ്ണ​ങ്ക​ര, മ​ണ്ണ​ടി എ​ന്നി​വ​യാ​യി​രു​ന്നു ആ ​ദേ​ശ​ങ്ങൾ. ​ഇ​വ​യു​ടെ ദേ​ശാ​ധി​പ​ൻ​മാ​രെ അ​റി​യ​പ്പെ​ട്ടി​രു​ന്ന​ത് യ​ഥാ​ക്ര​മം കു​ഴി​ക്ക​ൽ​ത്താ​ൻ, ക​റു​പ്പ​ത്താ​ൻ, കാ​മ്പി​ത്താ​ൻ എ​ന്നാ​യി​രു​ന്നു.

ഇ​തി​ൽ കു​ഴി​ക്ക​ൽ​ത്താ​നും ക​റു​പ്പ​ത്താ​നും പാ​ര​മ്പ​ര്യ​മാ​യി അ​ധി​കാ​ര​ത്തി​ലെ​ത്തുമ്പോ​ൾ ക​മ്പി​ത്താ​ൻ സ്ഥാ​നം പാ​ര​മ്പ​ര്യ അ​വ​കാ​ശ​മാ​യി​രു​ന്നി​ല്ല. ഒ​രു കാ​മ്പിത്താ​ന്‍റെ കാ​ലം ക​ഴി​യു​മ്പോ​ൾ പു​തി​യ കാ​മ്പി​ത്താ​ൻ മ​ണ്ണ​ടി ക്ഷേ​ത്ര​ത്തി​ൽ എ​ത്തി​ച്ചേ​രു​ക​യാ​യി​രു​ന്നു പ​തി​വ്. ഈ ​ക്ഷേ​ത്ര​ത്തി​ലെ വെ​ളി​ച്ച​പ്പാ​ടു​കൂ​ടി​യാ​യിരു ​ന്ന ക​മ്പി​ത്താ​ൻ​മാ​ർ തി​ക​ഞ്ഞ അ​ഭ്യാ​സി​ക​ളു​മാ​യി​രു​ന്നു.

അ​വ​സാ​നത്തെ ​കാ​മ്പി​ത്താ​നെ ച​തി​പ്ര​യോ​ഗ​ത്തി​ലൂ​ടെ കൊ​ല​പ്പെ​ടു​ത്തി എ​ന്നാ​ണ് വി​ശ്വ​സി​ച്ചു വ​രു​ന്ന​ത്. അ​ടൂ​ർ താ​ലൂ​ക്കി​ൽ വ്യാ​പി​ച്ചു കി​ട​ന്നി​രു​ന്ന മ​ണ്ണ​ടി ദേ​ശ​ത്തി​ന്റെ കു​റെ ഭാ​ഗ​ങ്ങ​ൾ പു​ത്തൂ​ർ മേ​ഖ​ല​യി​ലും ഉ​ൾ​പ്പെ​ട്ടി​രു​ന്നു. ഈ ​പ്ര​ദേ​ശ​ങ്ങ​ളി​ലാ​ണ് അ​തി​ർ​ത്തി​ക്ക​ല്ലു​ക​ൾ സ്ഥാ​പി​ച്ചി​രു​ന്നത്. ​

മ​ണ്ണ​ടി ഉ​ച്ച​ബ​ലി ഉ​ൽ​സ​വ​ത്തോ​ട​നുബ​ന്ധി​ച്ച് ഏ​ക​ദേ​ശം മു​പ്പ​ത് വ​ർ​ഷം മു​മ്പ് വ​രെ ഈ ​പ്ര​ദേ​ശ​ങ്ങ​ളി​ലെ​ല്ലാം പ​റ​യെ​ഴു​ന്നെ​ള്ളി​പ്പ് ന​ട​ന്നു വ​ന്നി​രു​ന്നു. മ​ണ്ണ​ടി ക്ഷേ​ത്ര​ത്തോ​ട് വൈ​കാ​രിക​ബ​ന്ധം പു​ല​ർ​ത്തു​ന്ന​വ​രാ​ണ് ഇ​ന്നും ഇ​വി​ടു​ത്തു​കാ​ർ.​ഭ​യം ക​ല​ർ​ന്ന ഭ​ക്തി​യാ​ണ് വി​ശ്വാ​സി​ക​ൾ​ക്കെ​ല്ലാം.

അ​തി​ർ​ത്തി​ക്ക​ല്ലാ​ണെ​ങ്കി​ലും മ​ണ്ണ​ടി ക്ഷേ​ത്ര​ത്തി​ന്റെ പ്ര​തി​രൂ​പ​മാ​യി​ക്ക​ണ്ടാണ് ​ദേ​ശ​ക്ക​ല്ലി​നെ ഇ​വ​ർ ആ​രാ​ധി​ക്കു ന്ന​ത്.
നാ​ടു​കാ​ക്കാ​ൻ മ​ണ്ണ​ടി ദേ​വി​യും കാ​മ്പി​ത്താ​നും ഇ​പ്പോ​ഴു​മു​ണ്ടെ​ന്ന് ദേ​ശ​ക്ക​ല്ല് അ​വ​ർ​ക്ക് ധൈ​ര്യം പ​ക​രു​ന്നു​ണ്ടാ​കാം.