കണ്ണൂർ: ബിജെപി പ്രവർത്തകരും അനുഭാവികളും ഒത്തൊരുമിച്ചു മുന്നോട്ടുപോയാൽ സമീപഭാവിയിൽ തന്നെ കേരളത്തിൽ ബിജെപി അധികാരത്തിലെത്തുമെന്ന് നടനും ബിജെപി നേതാവുമായ ദേവൻ.
കണ്ണൂർ മാരാർജി മന്ദിരത്തിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
നരേന്ദ്രമോദിയുടെ വികസനനയമാണ് തന്നെ ഈ പാർട്ടിയിലേക്ക് ആകർഷിച്ചത്. 17 വർ‌ഷമായി തന്‍റെ കേരള പീപ്പിൾസ് പാർട്ടിയുമായി മുന്നോട്ടുപോയി.
ഈ പാർട്ടി എന്തെല്ലാമാണോ കേരളത്തിനുവേണ്ടി ചെയ്യാനാഗ്രഹിച്ചത് അതെല്ലാം ബിജെപിയിലൂടെ ചെയ്യാൻ കഴിയുമെന്ന വിശ്വാസമുണ്ട്.
ബിജെപിയിൽ മാന്യമായ സ്വീകരണം ലഭിച്ചതിൽ സന്തോഷമുണ്ട്. പാർട്ടിയുടെ പ്രതീക്ഷയ്ക്കൊത്ത് പ്രവർത്തിക്കുമെന്നും അദ്ദേഹം പറഞ്ഞു.
