തിരുവനന്തപുരം: തിരുവനന്തപുരത്ത് മിണ്ടാപ്രാണിയോട് ക്രൂരത. വളര്‍ത്തു നായയെ ചൂണ്ടയില്‍ കോര്‍ത്ത് വള്ളത്തില്‍ കെട്ടിയിട്ട് തല്ലിക്കൊന്നു. വിഴിഞ്ഞം അടിമലത്തുറയിലാണ് നാടിനെ നടുക്കിയ സംഭവം.
ക്രിസ്തുരാജ് എന്ന വ്യക്തിയുടെ ഉടമസ്ഥതയിലുള്ള ലാബ്രഡോർ ഇനത്തിൽപ്പെട്ട നായയാണ് ക്രൂരമായ ആക്രമത്തിന് ഇരയായത്. നാട്ടുകാരായ മൂന്നു യുവാക്കളാണ് നായയെ ക്രൂരമായി മർദിച്ച് കൊലപ്പെടുത്തിയത്.
നായയെ ക്രൂരമായി മർദിക്കുന്ന വിഡിയോ ദൃശ്യങ്ങൾ സമൂഹമാധ്യമങ്ങളിൽ വൈറലായിട്ടുണ്ട്. കുറ്റവാളികൾക്കെതിരേ കർശന നടപടി സ്വീകരിക്കണമെന്ന ആവശ്യവുമായി മൃഗസ്നേഹികൾ ഉൾപ്പെടെ രംഗത്തെത്തി.
നായയോടു വീണ്ടും ക്രൂരത: ചൂണ്ടയില്‍ കോര്‍ത്ത് തല്ലിക്കൊന്നു; നാടിനെ നടുക്കിയ സംഭവം വിഴിഞ്ഞം അടിമലത്തുറയില്‍
