പ്ര​കൃ​തി വി​രു​ദ്ധ ശാ​രീ​രി​ക ബ​ന്ധം; പ​രാ​തി​യു​ള്ള കേ​സു​ക​ളി​ൽ മാത്രം അന്വേ​ഷ​ണം; ഡി​ജി​പിയുടെ നി​ർ​ദ്ദേ​ശ​ങ്ങ​ൾ ഇങ്ങനെ

സ്വ​ന്തം ലേ​ഖ​ക​ൻ

തൃ​ശൂ​ർ: സം​സ്ഥാ​ന​ത്തെ പോ​ലീ​സ് സ്റ്റേ​ഷ​നു​ക​ളി​ൽ ര​ജി​സ്റ്റ​ർ ചെ​യ്തി​ട്ടു​ള്ള പ്ര​കൃ​തി​വി​രു​ദ്ധ ശാ​രീ​രി​ക ബ​ന്ധം സം​ബ​ന്ധി​ച്ച കേ​സു​ക​ളെ ര​ണ്ടാ​യി ത​രം തി​രി​ച്ച് പ​ട്ടി​ക ത​യ്യാ​റാ​ക്കു​ന്നു. ഉ​ഭ​യ​സ​മ്മ​ത​പ്ര​കാ​ര​മു​ള​ള​തും അ​ല്ലാ​ത്ത​തും എ​ന്ന പ​ട്ടി​ക​യാ​ണ് ത​യ്യാ​റാ​ക്കു​ന്ന​ത്. ഇ​തു​സം​ബ​ന്ധി​ച്ച നി​ർ​ദ്ദേ​ശം ഡി​ജി​പി ലോ​ക്നാ​ഥ് ബെ​ഹ്റ ന​ൽ​കി​ക്ക​ഴി​ഞ്ഞു.

പ്രാ​യ​പൂ​ർ​ത്തി​യാ​യ ര​ണ്ടു വ്യ​ക്തി​ക​ൾ ത​മ്മി​ൽ ഉ​ഭ​യ​സ​മ്മ​ത പ്ര​കാ​ര​മു​ള്ള പ്ര​കൃ​തി വി​രു​ദ്ധ ശാ​രീ​രി​ക ബ​ന്ധം കു​റ്റ​ക​ര​മ​ല്ലെ​ന്ന സു​പ്രീം കോ​ട​തി​വി​ധി​യു​ടെ പ​ശ്ചാ​ത്ത​ല​ത്തി​ലാ​ണ് ഇ​തു സം​ബ​ന്ധി​ച്ച് സം​സ്ഥാ​ന​ത്ത് ര​ജി​സ്റ്റ​ർ ചെ​യ്തി​ട്ടു​ള്ള കേ​സു​ക​ളി​ൽ സ്വീ​ക​രി​ക്കേ​ണ്ട മാ​ന​ദ​ണ്ഡം വ്യ​ക്ത​മാ​ക്കി ഡി​ജി​പി നി​ർ​ദ്ദേ​ശ​ങ്ങ​ൾ പു​റ​പ്പെ​ടു​വി​ച്ചി​രി​ക്കു​ന്ന​ത്.

ഇ​ന്ത്യ​ൻ ശി​ക്ഷാ​നി​യ​മ​ത്തി​ലെ സെ​ക്ഷ​ൻ 377 ഉ​ൾ​പ്പെ​ട്ടി​ട്ടു​ള്ള എ​ല്ലാ കേ​സു​ക​ളും പ​രാ​തി​പ്ര​കാ​ര​മാ​ണോ സ്വ​മേ​ധ​യാ ആ​ണോ ര​ജി​സ്റ്റ​ർ ചെ​യ്ത​ത് എ​ന്ന​തി​ന്‍റെ അ​ടി​സ്ഥാ​ന​ത്തി​ൽ അ​താ​ത് സ്റ്റേ​ഷ​ൻ ഓ​ഫീ​സ​ർ​മാ​ർ പ​ട്ടി​ക ത​യ്യാ​റാ​ക്ക​ണം. പ​രാ​തി​പ്ര​കാ​രം എ​ടു​ത്ത കേ​സു​ക​ളി​ൽ അ​ന്വേ​ഷ​ണം തു​ട​രു​ക​യും അ​വ​സാ​ന റി​പ്പോ​ർ​ട്ട് ബ​ന്ധ​പ്പെ​ട്ട കോ​ട​തി​ക​ളി​ൽ സ​മ​ർ​പ്പി​ക്കു​ക​യും വേ​ണം.

സ്വ​മേ​ധ​യാ എ​ടു​ത്ത കേ​സു​ക​ൾ ഉ​ഭ​യ​സ​മ്മ​ത​പ്ര​കാ​ര​മു​ള്ള ബ​ന്ധ​മാ​യി​രു​ന്നോ എ​ന്ന് പ​രി​ശോ​ധി​ക്കു​ക​യും അ​ങ്ങി​നെ​യാ​ണെ​ങ്കി​ൽ തു​ട​ർ​ന​ട​പ​ടി ഒ​ഴി​വാ​ക്കു​ന്ന​ത് കാ​ണി​ച്ച് ബ​ന്ധ​പ്പെ​ട്ട കോ​ട​തി​ക​ൾ​ക്ക് റി​പ്പോ​ർ​ട്ട് ന​ൽ​കു​ക​യും വേ​ണം. ഉ​ഭ​യ​സ​മ്മ​ത​പ്ര​കാ​രം അ​ല്ലാ​ത്ത ബ​ന്ധം സം​ബ​ന്ധി​ച്ച കേ​സു​ക​ളി​ൽ അ​ന്വേ​ഷ​ണ​വു​മാ​യി മു​ന്നോ​ട്ടു​പോ​കു​ന്ന​തി​ന് മു​ൻ​പ് പ​രാ​തി എ​ഴു​തി വാ​ങ്ങ​ണ​മെ​ന്നും ഡി​ജി​പി ലോ​ക്നാ​ഥ് ബെ​ഹ്റ നി​ർ​ദ്ദേ​ശി​ച്ചു.