തളിപ്പറന്പ്: പോലീസിന്‍റെ ഔദ്യോഗിക വാട്സ് ആപ്പ് ഗ്രൂപ്പിൽ ഡിജിപിയെ പാഷാണം ഷാജിയായി ചിത്രീകരിച്ചു പോസ്റ്റിട്ട സംഭവത്തിൽ ജില്ലാ പോലീസ് മേധാവി അന്വേഷണം ആരംഭിച്ചു. പരിയാരം പോലീസ് സ്റ്റേഷനിലെ ഔദ്യോഗിക വാട്സ് ആപ്പ് ഗ്രൂപ്പിലാണ് ഡിജിപി ലോക്നാഥ് ബെഹ്റയെ പാഷാണം ഷാജിക്കു സമാനമായി സ്റ്റേഷൻ ചുമതലയുള്ള സർക്കിൾ ഇൻസ്പെക്ടർ പോസ്റ്റിട്ടത്.
മറ്റൊരാളുടെ പോസ്റ്റ്, ഗ്രൂപ്പിൽ ഫോർവേഡ് ചെയ്യുകയായിരുന്നു. സംഭവം വിവാദമായതോടെ സ്പെഷൽ ബ്രാഞ്ച് പ്രാഥമികാന്വേഷണം നടത്തി റിപ്പോർട്ട് സമർപ്പിച്ചിട്ടുണ്ട്.
