ചാന്പ്യൻസ് ട്രോഫി മാച്ചിൽ പാക്കിസ്ഥാനെതിരേ നേടിയ തകർപ്പൻ വിജയം ആഘോഷിക്കുകയായിരുന്നു ഇന്ത്യൻ ക്രിക്കറ്റ് ടീം. ഈ സന്തോഷത്തിനിടെ രവീന്ദ്ര ജഡേജ ഇൻസ്റ്റഗ്രാമിൽ പങ്കുവച്ച ഒരു ചിത്രം ആരാധകരെ ഏറെ രസിപ്പിച്ചു. ധോണിയുമൊത്തുള്ള ഒരു സെൽഫിയാണ് ചിത്രം. പക്ഷെ സെൽഫി എടുത്ത കാര്യം ധോണി അറിഞ്ഞിട്ടില്ല. കാരണം അദ്ദേഹം നല്ല ഉറക്കത്തിലാണ്.
‘അദ്ദേഹം എഴുന്നേൽക്കുന്നതിനുമുന്പ് ഞാൻ ഈ ചിത്രം എടുക്കട്ടെ’ എന്ന അടിക്കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്. മൂന്നുലക്ഷത്തിലധികം ലൈക്കുകൾ ചിത്രം ഇതുവരെ നേടിക്കഴിഞ്ഞു. ചിത്രം കണ്ടിട്ട് ധോണിയുടെ പ്രതികരണം കാണാൻ കാത്തിരിക്കുകയാണ് ആരാധകർ.ജഡേജ മാത്രമല്ല ട്വിറ്റർ രാജാവ് എന്നറിയപ്പെടുന്ന വീരേന്ദ്ര സേവാഗും മുന്പ് സഹതാരങ്ങൾ ഉറങ്ങുന്ന ചിത്രങ്ങൾ സമൂഹമാധ്യമങ്ങളിൽ പങ്കുവച്ച് ലൈക്കുകൾ നേടിയിട്ടുണ്ട്.
