ലൊസെയ്ൻ (സ്വിറ്റ്സർലൻഡ്): ലൊസെയ്ൻ ഡയമണ്ട് ലീഗിൽ ജാവലിൻ ത്രോയിൽ നീരജ് ചോപ്രയ്ക്ക് രണ്ടാം സ്ഥാനം. 89.49 മീറ്റർ ദുരമാണ് നീരജ് ജാവലിൻ പായിച്ച് രണ്ടാമതെത്തിയത്.
ആണ്ടേഴ്സൺ പീറ്റേഴ്സാണ് ജാവലിൻ ത്രോയിൽ ഒന്നാമതെത്തിയത്. 90.61 മീറ്റർ ദൂരമാണ് ആണ്ടേഴ്സൺ ജാവലിൻ എറിഞ്ഞത്. പാരീസ് ഒളിമ്പിക്സിൽ വെങ്കല മെഡൽ ജേതാവാണ് ഗ്രനേഡയുടെ ആൻഡേഴ്സണ്‍ പീറ്റേഴ്സ്.
2024 പാരീസ് ഒളിന്പിക്സിൽ വെള്ളിയും 2020 ടോക്കിയോ ഒളിന്പിക്സിൽ സ്വർണവും നീരജ് സ്വന്തമാക്കിയിരുന്നു. പാരീസ് ഒളിമ്പിക്സ് ജാവലിനിൽ സ്വർണം നേടിയ പാക്കിസ്ഥാന്‍റെ നദീം ആർഷാദ് ലൊസെയ്ൻ ഡയമണ്ട് ലീഗിൽ പങ്കെടുക്കുന്നില്ല.
