കോവിഡ് 19 വൈറസ് ലോകത്തില്‍ മുഴുവന്‍ ഭീതിയുടെ കരിനിഴല്‍ വീഴ്ത്തിയിരിക്കുകയാണ്. വൈറസിനെ പ്രതിരോധിക്കുവാനുള്ള മാര്‍ഗങ്ങള്‍ ആരോഗ്യ വിദഗ്ധര്‍ പങ്കുവയ്ക്കുന്നുണ്ട്. ഈ പശ്ചാത്തലത്തില്‍ ഇറ്റലിയില്‍ നിന്നുമുള്ള വീഡിയോയാണ് ഏറെ കൗതുകമാകുന്നത്.
ഡിസ്‌കിന്‍റെ രൂപത്തില്‍ നിര്‍മിച്ച കാര്‍ഡ് ബോര്‍ഡ് ശരീരത്തില്‍ വച്ച് ഒരാള്‍ നടക്കുന്നതാണ് വീഡിയോയിലുള്ളത്. ഇത് ശരീരത്തില്‍ വച്ചിരിക്കുന്നതിനാല്‍ മൂന്ന് മീറ്റര്‍ ദൂരത്തില്‍ ആര്‍ക്കും ഇദ്ദേഹത്തിന് അടുക്കല്‍ എത്താന്‍ സാധിക്കില്ല.
സോഷ്യല്‍മീഡിയയില്‍ പങ്കുവച്ചിരിക്കുന്ന ദൃശ്യങ്ങള്‍ വൈറലായി മാറുകയാണ്. കൗതുകകരമായ ദൃശ്യങ്ങള്‍ക്ക് പ്രതികരണം നല്‍കി നിരവധിയാളുകള്‍ രംഗത്തെത്തുന്നുണ്ട്.
