കൊച്ചി: സിനിമയുടെ ചിത്രീകരണത്തിനായി വിദേശത്തുപോകാനുള്ള നടൻ ദിലീപിന്റെ അപേക്ഷ കോടതി തള്ളി. നേരത്തെ തീരുമാനിച്ചിരുന്ന സിനിമയുടെ ഷൂട്ടിംഗ് മാറ്റിവച്ചതിനാൽ ഹർജിയുമായി മുന്നോട്ടുപോകുന്നില്ലെന്ന് ദിലീപിന്റെ അഭിഭാഷകൻ അറിയിച്ചതിനെത്തുടർന്നാണ് എറണാകുളം പ്രിൻസിപ്പൽ സെഷൻസ് കോടതി അപേക്ഷ തള്ളിയത്.
ദിലീപ് നിർമാണം നിർവഹിക്കുന്ന കട്ടപ്പനയിലെ ഋത്വിക് റോഷൻ എന്ന മലയാള സിനിമയുടെ തമിഴ് പതിപ്പിന്‍റെ ചിത്രീകരണത്തിനായി ജൂണ്‍ 17 മുതൽ 24 വരെ തായ്‌ലൻഡിൽ പോകുന്നതിനായി പാസ്പോർട്ട് വിട്ടുകിട്ടണമെന്നാവശ്യപ്പെട്ടാണ് അപേക്ഷ സമർപ്പിച്ചിരുന്നത്.
