ബോളിവുഡിലെ ഹോട്ട് കമിതാക്കളായ ടൈഗർ ഷറോഫും ദിഷ പഠേനിയും രഹസ്യമായി വിവാഹം കഴിച്ചെന്ന് റിപ്പോർട്ട്. ഇത്തവണ ഇരുവരും ന്യൂ ഇയർ ആഘോഷിക്കാൻ ശ്രീലങ്കയിലും മാലി ദ്വീപിലും എത്തിയിരുന്നു. അവധി ആഘോഷത്തിന്റെ ഭാഗമായി പകർത്തിയ ചൂടൻ ചിത്രങ്ങൾ സോഷ്യൽമീഡിയയിൽ ഇവർ പോസ്റ്റ് ചെയ്യുകയും ചെയ്തിരുന്നു.
നീന്തൽവേഷത്തിൽ കടൽത്തീരത്ത് ഇരുന്നും കിടന്നും നിന്നുമൊക്കെ പകർത്തിയ ദിഷയുടെ ചിത്രവും ഷർട്ടൂരി സിക്സ് പാക്ക് ബോഡിയൊക്കെ കാണിച്ചു നിൽക്കുന്ന ടൈഗറിന്‍റെ ചിത്രവും വൈറലാവുകയും ചെയ്തിരുന്നു.
ഇതിനിടയിലാണ് ഇരുവരും ശ്രീലങ്കയിൽവച്ച് രഹസ്യമായി വിവാഹം കഴിച്ചതായി വാർത്തകൾ വരുന്നത്.
രഹസ്യവിവാഹം തെളിയിക്കുന്നത് എന്നവകാശപ്പെട്ട് ഓണ്‍ലൈനിൽ വീഡിയോയും പ്രചരിക്കുന്നുണ്ട്. കാര്യങ്ങൾ ഇങ്ങനെയൊക്കെ ആണെങ്കിലും പ്രചരിക്കുന്ന വീഡിയോ വ്യാജമാണെന്നും റിപ്പോർട്ടുകളുണ്ട്. ടൈഗറും ദിഷയും ഒന്നിക്കുന്ന ഏറ്റവും പുതിയ ചിത്രമാണ് ബാഗി 2.
മാർച്ച് അവസാനം പ്രദർശനത്തിനെത്തുന്ന ചിത്രത്തിനുവേണ്ടി പകർത്തിയ വിവാഹ വീഡിയോ ആണ് ഇവർ രഹസ്യവിവാഹം നടത്തിയതെന്ന് കാണിച്ച് പ്രചരിക്കുന്നതെന്നാണ് വിവരം. അതേസമയം കാലങ്ങളായി ടൈഗറും ദിഷയും ഡേറ്റിംഗിലാണ്. എന്നാൽ ഇരുവരും ഇതു പരസ്യമായി സമ്മതിച്ചിട്ടില്ല. വിവാഹവാർത്ത പുതിയ ചിത്രത്തിന്‍റെ പബ്ലിസിറ്റിക്കായി പടച്ചുവിട്ടതാണെന്നും പറയുന്നുണ്ട്.
