സേലം: കുടുംബവഴക്കിനെത്തുടർന്ന് പിതാവ് മക്കളെ വെട്ടിക്കൊന്നു. തമിഴ്നാട്ടിലെ സേലത്തിനു സമീപമാണു സംഭവം. എം. അശോക് കുമാറാണ് ഭാര്യ തവമണിയെയും മക്കളെയും വാക്കേറ്റത്തിനിടെ അരിവാളിനു വെട്ടിയത്. വിദ്യാധാരണി (13), അരുൾ പ്രകാശ് (അഞ്ച്) എന്നിവരാണു കൊല്ലപ്പെട്ടത്.
തവമണിയും മകൾ അരുൾ കുമാരിയും ചികിത്സയിലാണ്. വീട്ടിലെത്തിയ അശോക് കുമാറിന്‍റെ ബന്ധുക്കളാണ് തവമണിയും മക്കളും രക്തത്തിൽ കുളിച്ചനിലയിൽ കിടക്കുന്നത് കണ്ടത്. പ്രതിയെ പിടികൂടാൻ പോലീസ് അന്വേഷണം ശക്തമാക്കി.
