കോളജ് വിദ്യാർഥികളുടെ ഡ്രഗ് പാർട്ടി! ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട് വി​ദ്യാ​ർ​ഥി​ക​ൾ ആ​ശു​പ​ത്രി​യി​ൽ ചി​കി​ത്സ തേ​ടി; അന്വേഷണം വിപുലമാക്കി പോലീസും എക്സൈസും

കൊ​ച്ചി: ല​ഹ​രി ഉ​പ​യോ​ഗ​ത്തെ തു​ട​ർ​ന്ന് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട് വി​ദ്യാ​ർ​ഥി​ക​ൾ ആ​ശു​പ​ത്രി​യി​ൽ ചി​കി​ത്സ തേ​ടി​യ സം​ഭ​വ​ത്തി​ൽ എ​ക്സൈ​സും പോ​ലീ​സും അ​ന്വേ​ഷ​ണം ആ​രം​ഭി​ച്ചു.

മൂ​വാ​റ്റു​പു​ഴ​യി​ൽ വാ​ല​ന്‍റൈ​ൻ ദി​ന​ത്തോ​ട​നു​ബ​ന്ധി​ച്ച് ഒ​രു​സം​ഘം കോ​ള​ജ് വി​ദ്യാ​ർ​ഥി​ക​ൾ ന​ട​ത്തി​യ ഡ്ര​ഗ് പാ​ർ​ട്ടി​യി​ൽ പ​ങ്കെ​ടു​ത്ത​വ​ർ​ക്കാ​ണ് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട​ത്. എ​ൽ​എ​സ്ഡി പോ​ലെ​യു​ള്ള ല​ഹ​രി വ​സ്തു​ക്ക​ൾ പാ​ർ​ട്ടി​യി​ൽ ഉ​പ​യോ​ഗി​ച്ചി​രു​ന്നു​വെ​ന്നാ​ണ് സൂ​ച​ന.

ദേ​ഹാ​സ്വാ​സ്ഥ്യം അ​നു​ഭ​പ്പെ​ട്ട​തി​നെ​ത്തു​ട​ർ​ന്ന് സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടു​ക​യാ​യി​രു​ന്നു. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്ന് വി​വി​ധ വി​ദ്യാ​ർ​ഥി സം​ഘ​ട​ന​ക​ൾ ആ​വി​ശ്യ​പ്പെ​ട്ടു.

ന​ഗ​ര​ത്തി​ലെ ചി​ല വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ ഹോ​സ്റ്റ​ൽ കേ​ന്ദ്രീ​ക​രി​ച്ചു ന​ട​ത്തി​യ പ​രി​ശോ​ധ​ന​യി​ൽ ല​ഹ​രി വ​സ്തു​ക്ക​ളു​ടെ ഉ​പ​യോ​ഗം ഗ​ണ്യ​മാ​യി വ​ർ​ധി​ച്ച​താ​യി പോ​ലീ​സ് ക​ണ്ടെ​ത്തി.

ക​ഴി​ഞ്ഞ ഒ​രു മാ​സ​ത്തി​നി​ടെ ക​ഞ്ചാ​വു​മാ​യി പ​ത്ത് വി​ദ്യാ​ർ​ഥി​ക​ൾ പി​ടി​യി​ലാ​യി​രു​ന്നു. അ​ടു​ത്തി​ടെ ന​ഗ​ര​ത്തി​ലെ ഒ​രു ഹോ​സ്റ്റ​ലി​ൽ ക​ഞ്ചാ​വ് ഉ​പ​യോ​ഗ​വും വി​ൽ​പന​യും ത​ട​യാ​ൻ നാ​ട്ടു​കാ​ർ ന​ട​ത്തി​യ ശ്ര​മം സം​ഘ​ർ​ഷ​ങ്ങ​ൾ​ക്ക് ഇ​ട​യാ​ക്കി​യി​രു​ന്നു.

യു​വാ​ക്ക​ളും ഇതരസം​സ്ഥാ​ന തൊ​ഴി​ലാ​ളി​ക​ളു​മാ​ണ് ല​ഹ​രി പ​ദാ​ർ​ഥ​ങ്ങ​ളു​ടെ പ്ര​ധാ​ന ഉ​പ​ഭോ​ക്താ​ക്ക​ളെ​ന്ന​തി​നാ​ൽ വി​ദ്യാ​ല​യ​ങ്ങ​ളെ​യും ഇതരസം​സ്ഥാ​ന തൊ​ഴി​ലാ​ളി ക്യാ​ന്പു​ക​ളെ​യും കേ​ന്ദ്രീ​ക​രി​ച്ചാ​ണ് വി​ൽ​പന പൊ​ടി​പൊ​ടി​ക്കു​ന്ന​ത്.

പി​ടി​ക്ക​പ്പെ​ടു​ന്ന സാ​ഹ​ച​ര്യ​മു​ണ്ടാ​യാ​ൽ റാ​ക്ക​റ്റി​ന്‍റെ മു​ക​ളി​ലെ ക​ണ്ണി വ​രെ അ​ന്വേ​ഷ​ണം എ​ത്തി​ക്കാ​ൻ പോ​ലീ​സി​ന് ക​ഴി​യാ​ത്ത ത​ര​ത്തി​ൽ പ​ഴു​തു​ക​ള​ട​ച്ചാ​ണ് സം​ഘ​ങ്ങ​ൾ പ്ര​ദേ​ശ​ത്ത് വി​ൽ​പന സ​ജീ​വ​മാ​ക്കു​ന്ന​ത്.

ചെ​റി​യ അ​ള​വി​ൽ ക​ഞ്ചാ​വു​മാ​യി പി​ടി​ക്ക​പ്പെ​ട്ടാ​ൽ കോ​ട​തി​യി​ൽനി​ന്നു ജാ​മ്യം ല​ഭി​ക്കു​ന്ന​തി​നാ​ൽ വീ​ണ്ടും ഇ​താ​വ​ർ​ത്തി​ക്ക​പ്പെ​ടു​ക​യാ​ണ്. ഇതരസം​സ്ഥാ​ന​ങ്ങ​ളി​ൽനി​ന്നു സം​സ്ഥാ​ന​ത്തെ​ത്തു​ന്ന ഉ​ത്പന്ന​ങ്ങ​ളി​ൽ അ​ധി​ക​വും ഇ​ടു​ക്കി ജി​ല്ല​യി​ലെ വി​വി​ധ ചെ​ക്ക് പോ​സ്റ്റു​ക​ൾ കടന്നാ​ണ് എ​ത്തു​ന്ന​ത്.

ഇ​ടു​ക്കി ജി​ല്ല​യി​ലെ കു​മ​ളി അ​ട​ക്ക​മു​ള്ള ചെ​ക്ക് പോ​സ്റ്റു​ക​ളി​ലും ഇ​ടു​ക്കി-​എ​റ​ണാ​കു​ളം ജി​ല്ല​ക​ളു​ടെ അ​തി​ർ​ത്തി​യി​ൽ സ്ഥി​തി ചെ​യ്യു​ന്ന ചാ​ത്ത​മ​റ്റം, ത​ല​ക്കോ​ട്, ക​രി​മ​ണ​ൽ തു​ട​ങ്ങി​യ ചെ​ക്ക് പോ​സ്റ്റു​ക​ളി​ലും പ​രി​ശോ​ധ​ന ക​ർ​ശ​ന​മാ​ക്കാ​ത്ത​താ​ണ് ക​ഞ്ചാ​വും ക​ഞ്ചാ​വ് ഓ​യി​ലും അ​ട​ക്ക​മു​ള്ള ല​ഹ​രി വ​സ്തു​ക്ക​ൾ വ​ൻ തോ​തി​ൽ ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ലേ​ക്ക് എ​ത്തു​ന്ന​തി​ന് കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

പെ​ട്ടി​ക്ക​ട​ക​ളും ത​ട്ടു​ക​ട​ക​ളും കേ​ന്ദ്രീ​ക​രി​ച്ച് ന​ട​ക്കു​ന്ന ല​ഹ​രി ഉ​ൽ​പ്പ​ന്ന​ങ്ങ​ളു​ടെ വി​ൽ​പന ത​ട​യാ​ൻ അ​ധി​കൃ​ത​ർ​ക്കാ​വാ​ത്ത​തും ന​ഗ​ര​പ്ര​ദേ​ശ​ങ്ങ​ളി​ൽ ക​ച്ച​വ​ട​ക്കാ​രു​ടെ എ​ണ്ണം വ​ർ​ധി​പ്പിക്കു​ന്നു. കൂ​ടാ​തെ ജി​ല്ല​യു​ടെ കി​ഴ​ക്ക​ൻ പ്ര​ദേ​ശ​ങ്ങ​ളി​ലെ ചി​ല വീ​ടു​ക​ൾ കേ​ന്ദ്രീ​ക​രി​ച്ചും ക​ഞ്ചാ​വ് വി​ൽ​പന ന​ട​ക്കു​ന്നു​ണ്ടെ​ന്നു പ​റ​യ​പ്പെ​ടു​ന്നു.

വീ​ടു​ക​ളി​ൽ ചെ​റു പൊ​തി​ക​ളി​ലാ​ക്കി സൂ​ക്ഷി​ച്ച് വി​ൽ​പന ന​ട​ത്തു​ന്ന ക​ഞ്ചാ​വി​ന്‍റെ ഉ​പ​ഭോ​ക്താ​ക്ക​ളു​ടെ എ​ണ്ണ​വും ക്ര​മാ​തീ​ത​മാ​യി വ​ർ​ധി​ക്കു​ക​യാ​ണ്.

20 ഗ്രാ​മി​ൽ താ​ഴെ ക​ഞ്ചാ​വു​മാ​യി പി​ടി​കൂ​ടു​ന്ന കു​റ്റ​വാ​ളി​ക​ൾ ചെ​റി​യ ശി​ക്ഷ​യോ​ടെ കേ​സി​ൽ നി​ന്നു ര​ക്ഷ​പ്പെ​ടു​മെ​ന്ന​ത് വി​ദ്യാ​ർ​ഥി​ക​ള​ട​ക്ക​മു​ള്ള​വ​രെ ല​ഹ​രി ഉ​ത്പന്ന​ങ്ങ​ളു​ടെ വി​ൽ​പന​യ്ക്കു പ്രേ​രി​പ്പി​ക്കു​ന്ന​താ​യി വിലയിരുത്തപ്പെടുന്നു.

ഗ്രാ​മ​പ്ര​ദേ​ശ​ങ്ങ​ളി​ലെ ചെ​റു​കി​ട വ്യാ​പാ​ര സ്ഥാ​പ​ന​ങ്ങ​ളി​ൽ പോ​ലും ല​ഹ​രി ഉ​ത്പന്ന​ങ്ങ​ൾ സു​ല​ഭ​മാ​യി വി​റ്റ​ഴി​ക്ക​പ്പെ​ടു​ന്നു​വെ​ന്ന​ത് പ​രി​ശോ​ധ​ന ക​ർ​ശ​ന​മാ​ക്കാ​ത്ത​തി​നാ​ലാ​ണെ​ന്ന പ​രാ​തി​യും ഉ​യ​രു​ന്നു​ണ്ട്.