ഇരുപത്തിഞ്ചുകാരിയായ യുവതിയുടെ ഉദരത്തിൽ നിന്നും ഒന്നരക്കിലോ തൂക്കം വരുന്ന തലമുടിക്കെട്ട് ശസ്ത്രക്രിയയിലൂടെ നീക്കം ചെയ്തു. മധ്യപ്രദേശിലെ ഇൻഡോറിലെ മഹാരാജ യ‌ശ്വന്ത് റാവു ആശുപത്രിയിലാണ് ശസ്ത്രക്രിയ നടന്നത്. ഡോ. ആർ. കെ. മാഥുറിന്‍റെ നേതൃത്വത്തിൽ അഞ്ചു ഡോക്ടർമാർ മൂന്നുമണിക്കൂർ നേരം നടത്തിയ പരിശ്രമത്തിനൊടുവിലാണ് തലമുടിക്കെട്ട് പുറത്തെടുക്കാനായത്.
മാനസിക ന്യൂനതയുള്ള ഇവർ തലമുടി പറിച്ചു തിന്നുന്നതായിരുന്നു പ്രശ്നത്തിനു കാരണം. ഈ മുടിക്കെട്ട് വയറ്റിൽ നിന്നും നീക്കം ചെയ്തില്ലായിരുന്നുവെങ്കിൽ വലിയ പ്രശ്നങ്ങൾക്ക് കാരണമാകുമായിരുന്നുവെന്നാണ് ഡോക്ടർമാർ പറയുന്നത്.
