പെരുവ: തെരുവുനായ്ക്കളുടെ ആക്രമണത്തില്‍ നാല് ആടുകള്‍ ചത്തു. നാല് ആടുകള്‍ക്ക് ഗുരുതരമായി മുറിവേറ്റു. മുളക്കുളം പാപ്പിനിശേരിയില്‍ ചാക്കോയുടെ ആടുകളെയാണ് കൂട്ടമായെത്തിയ നായകള്‍ ആക്രമിച്ചത്.
ഇന്നലെ ഉച്ചയ്ക്ക് ഒന്നോടെയാണ് സംഭവം. വീടിന് സമീപത്തെ പാടത്ത് തീറ്റയ്ക്കായി കെട്ടിയിട്ടിരുന്ന പന്ത്രണ്ടോളം ആടുകളെയാണ് കൂട്ടമായെത്തിയ നായ്ക്കള്‍ ആക്രമിച്ചത്.
സംഭവസമയത്ത് ചാക്കോയുടെ വീട്ടില്‍ ആരുമില്ലാതിരുന്നതിനാല്‍ നായ്ക്കള്‍ ആടുകളെ ആക്രമിച്ച കാര്യം ആരുമറിഞ്ഞില്ല.
പിന്നീട് വീട്ടുകാര്‍ എത്തിയപ്പോഴാണ് സംഭവമറിയുന്നത്. ആടുകളുടെ തലയും കൈകാലുകളുമെല്ലാം കടിച്ചെടുത്ത നിലയിലായിരുന്നു. മുറിവേറ്റ ആടുകളില്‍ ചിലതിന്‍റെ ആരോഗ്യനില മോശമാണ്.
