കടുത്ത നിയന്ത്രണങ്ങൾ, കർശന നിർദേശങ്ങൾ! പ​ട്ടി, പൂ​ച്ച, മീ​നു​ക​ൾ തു​ട​ങ്ങി​യ​വ​യെ വ​ള​ർ​ത്തി പ്ര​ജ​ന​നം ന​ട​ത്തി വി​ൽ​ക്കു​ന്ന​തി​നും നി​യ​ന്ത്ര​ണം; പുതിയ നിര്‍ദേശങ്ങള്‍ ഇങ്ങനെ…

സെ​ബി മാ​ത്യു

ന്യൂ​ഡ​ൽ​ഹി: വ​ള​ർ​ത്തു നാ​യ്ക്കളെ​യും പൂ​ച്ച​ക​ളെ​യും ബ്രീ​ഡ് ചെ​യ്തു വ​ള​ർ​ത്തു​ന്ന​തി​നും വി​ൽ​ക്കു​ന്ന​തി​നും നി​യ​ന്ത്ര​ണം. ക​ശാ​പ്പി​നാ​യി ക​ന്നു​കാ​ലി​ക​ളെ കാ​ലി​ച്ച​ന്ത​ക​ളി​ൽ വി​ൽ​ക്കു​ന്ന​തു നി​രോ​ധി​ച്ചുകൊ​ണ്ടു​ള്ള വി​ജ്ഞാ​പ​ന​ത്തി​നു പി​ന്നാ​ലെ​യാ​ണു പ​ട്ടി, പൂ​ച്ച, മീ​നു​ക​ൾ തു​ട​ങ്ങി​യ​വ​യെ വ​ള​ർ​ത്തി പ്ര​ജ​ന​നം ന​ട​ത്തി വി​ൽ​ക്കു​ന്ന​തി​നും നി​യ​ന്ത്ര​ണം വ​രു​ന്ന​ത്.

ഈ ​ഗ​ണ​ത്തി​ൽ​പ്പെ​ട്ട മൃ​ഗ​ങ്ങ​ളെ അ​നി​യ​ന്ത്രി​ത​മാ​യി പ്ര​ജ​ന​നം ന​ട​ത്തു​ക​യും വി​ൽ​ക്കു​ക​യും ചെ​യ്യു​ന്ന​തി​നു​മാ​ണു വി​ല​ക്ക്. പ​ട്ടി​ക്കും പൂ​ച്ച​യ്ക്കും പു​റ​മേ അ​ക്വേ​റി​യ​ങ്ങ​ൾ ഉ​ൾപ്പെടെ പ്ര​ജ​ന​നം ന​ട​ത്തി വിൽപ്പന ന​ട​ത്തു​ന്ന​വ​ർ സം​സ്ഥാ​ന മൃ​ഗ​സം​ര​ക്ഷ​ണ വ​കു​പ്പി​ൽ പേ​ര് ര​ജി​സ്റ്റ​ർ ചെ​യ്യ​ണ​മെ​ന്ന​ത് നി​ർ​ബ​ന്ധ​മാ​ക്കി. ഇ​തി​നു പു​റ​മേ ഓ​മ​നമൃ​ഗ​ങ്ങ​ളെ പ്ര​ജ​ന​നം ന​ട​ത്തി വി​ൽ​പ്പ​ന ന​ട​ത്തു​ന്ന​വ​ർ മൃ​ഗ​ങ്ങ​ൾ ആ​ണോ പെ​ണ്ണോ എ​ന്നു വ്യ​ക്ത​മാ​ക്കി അ​വ​യു​ടെ ജ​ന​നത്തീ​യ​തി​യും മൈ​ക്രോ ചി​പ് ന​ന്പ​റും ബ്രീ​ഡ​റു​ടെ പേ​രും രേ​ഖ​യാ​ക്കി സൂ​ക്ഷി​ക്ക​ണം. അ​തി​നു പു​റ​മേ, പ്ര​ജ​ന​നം ന​ട​ത്തു​ന്ന​തി​നാ​യി മൃ​ഗ​ങ്ങ​ളെ എ​ത്തി​ച്ച​താ​ണെ​ങ്കി​ൽ കൊ​ണ്ടു വ​ന്ന തീ​യ​തി, കൊ​ണ്ടു വ​ന്ന ആ​ളു​ടെ വി​ലാ​സം, ഇ​വ​യെ പ​രി​പാ​ലി​ക്കു​ന്ന​വ​രു​ടെ വ്യ​ക്തി​ഗ​ത വി​വ​ര​ങ്ങ​ൾ, മൃ​ഗ​ങ്ങ​ളെ ഇ​ണ ചേ​ർ​ക്കു​ന്ന ദി​വ​സ​വും സ്ഥ​ല​വും രേ​ഖ​പ്പെ​ടു​ത്ത​ണം. ഇ​ണ​ചേ​രു​ന്ന മൃ​ഗ​ങ്ങ​ളു​ടെ പേ​രുവി​വ​ര​ങ്ങ​ളും മൈ​ക്രോ ചി​പ്പ് ന​ന്പ​റും വേ​ണം. വ​ള​ർ​ത്തുമൃ​ഗ​ങ്ങ​ളെ വാ​ങ്ങു​ന്ന ആ​ളു​ടെ ആ​ധി​കാ​രി​ക​മാ​യ വ്യ​ക്തി​ഗ​ത വി​വ​ര​ങ്ങ​ളും ല​ഭ്യ​മാ​ക്ക​ണം.

വ​ള​ർ​ത്തു മൃ​ഗ​ങ്ങ​ളെ പ്ര​ജ​ന​നം ന​ട​ത്തി വി​ൽ​ക്കു​ന്ന​വ​ർ സം​സ്ഥാ​ന മൃ​ഗ​ക്ഷേ​മ ബോ​ർ​ഡി​ൽ നിന്ന് സ​ർ​ട്ടി​ഫി​ക്ക​റ്റ് നേ​ടി​യി​രി​ക്ക​ണ​മെ​ന്നും ഉ​ത്ത​ര​വി​ലു​ണ്ട്. ഇ​തു ക​ട​ക​ൾ​ക്കു പു​റ​ത്തു പ്ര​ദ​ർ​ശി​പ്പി​ക്ക​ണം. ഇ​തി​നു പു​റ​മെ, വാ​ങ്ങു​ക​യും വി​ൽ​ക്കു​ക​യും സൂ​ക്ഷി​ക്കു​ക​യും ചെ​യ്യു​ന്ന മൃ​ഗ​ങ്ങ​ളു​ടെ വി​ശ​ദാം​ശ​ങ്ങ​ളും ക​ട​ക​ളി​ൽ സൂ​ക്ഷി​ക്ക​ണം. മൃ​ഗ​ങ്ങ​ളെ എ​വി​ടെ​നി​ന്ന്, എ​പ്പോ​ൾ ല​ഭി​ച്ചു; ആ​ർ​ക്ക്, എ​പ്പോ​ൾ വി​റ്റു തു​ട​ങ്ങി​യ വി​ശ​ദാം​ശ​ങ്ങ​ളും സൂ​ക്ഷി​ക്ക​ണം.
നായ്ക്കളെയും പൂ​ച്ച​ക​ളെ​യും വാ​ങ്ങു​ന്ന​തും വി​ൽ​ക്കു​ന്ന​തും രാ​ജ്യ​ത്തു വ​ലി​യൊ​രു വ്യ​വ​സാ​യ​മാ​യി വ​ള​ർ​ന്നി​ട്ടു​ള്ള സാ​ഹ​ച​ര്യ​ത്തി​ലാ​ണു ക​ർ​ശ​ന നി​ബ​ന്ധ​ന​ക​ളു​മാ​യി സ​ർ​ക്കാ​ർ രം​ഗ​ത്തെ​ത്തി​യ​ത്. പ​ല​യി​ട​ങ്ങ​ളി​ലും മൃ​ഗ​ങ്ങ​ളെ വ​ള​രെ മോ​ശം സാ​ഹ​ച​ര്യ​ത്തി​ൽ സൂ​ക്ഷി​ക്കു​ന്ന​തെ​ന്നു ചൂ​ണ്ടി​ക്കാ​ട്ടി​യാ​ണ് ഉത്തരവ്.

കടുത്ത നിയന്ത്രണങ്ങൾ, കർശന നിർദേശങ്ങൾ

എ​ട്ടാ​ഴ്ച​യി​ൽ താ​ഴെ പ്രാ​യ​മു​ള്ള പ​ട്ടി​ക്കു​ട്ടി​ക​ളെ​യും പൂ​ച്ച​ക്കു​ട്ടി​ക​ളെ​യും വി​ൽ​ക്കരുത്.

പൂ​ർ​ണ ചി​കി​ത്സ ന​ൽ​കി വാ​ക്സി​നേ​ഷ​നു​ക​ൾ പൂ​ർ​ത്തി​യാ​ക്കി മൈ​ക്രോ ചി​പ്പ് ഘ​ടി​പ്പി​ച്ച നാ​യ​ക്കു​ട്ടി​ക​ളെ​യും പൂ​ച്ച​ക്കു​ട്ടി​ക​ളെ​യും മാ​ത്ര​മേ വി​ൽ​ക്കാ​വൂ.

പൊ​തു സ്ഥ​ല​ങ്ങ​ളി​ലോ വി​ൽ​പ്പ​ന ശാ​ല​ക​ളി​ലോ ഇ​വ​യെ വി​ൽ​പ്പ​ന​യ്ക്കാ​യി പ്ര​ദ​ർ​ശി​പ്പി​ക്ക​രു​ത്.

മാ​ന​സി​ക വൈ​ക​ല്യ​മു​ള്ള​വ​രോ പ്രാ​യ​പൂ​ർ​ത്തി​യാ​കാ​ത്ത​വ​രോ ഇ​വ​യെ പ്ര​ജ​ന​നം ന​ട​ത്തി വി​ൽ​ക്ക​രു​ത്.

അ​ക്വേ​റി​യ​ങ്ങ​ളും ഫി​ഷ് ടാ​ങ്കു​ക​ളും വൃ​ത്തി​യുള്ളതും ആ​രോ​ഗ്യ​പ്ര​ദ​വു​മാ​യി​രി​ക്ക​ണം.

പ്ര​ത്യു​ത്പാ​ദ​ന ശേ​ഷി​യി​ല്ലാ​ത്ത ്ത മൃ​ഗ​ങ്ങ​ളെ ദ​യാ​വ​ധ​ത്തി​നു വി​ധേ​യ​മാ​ക്ക​രു​ത്

ഗു​രു​ത​ര രോ​ഗം ബാ​ധി​ച്ച വ​ള​ർ​ത്തു മൃ​ഗ​ങ്ങ​ളെ അം​ഗീ​കൃ​ത വെ​റ്ററിന​റി ഡോ​ക്ട​റു​ടെ സ​ഹാ​യ​ത്തോ​ടെ ദ​യാ​വ​ധ​ത്തി​നു വി​ധേ​യ​മാ​ക്കാം.

ഒ​രേ സ്ഥ​ല​ത്തു ത​ന്നെ 12ല​ധി​കം നാ​യ​ക​ളെ ഒ​രു​മി​ച്ചു പാ​ർ​പ്പി​ക്ക​രു​ത്.

ബ്രീ​ഡിം​ഗി​നു വേ​ണ്ടി​യ​ല്ലാ​തെ പെ​ണ്‍പ​ട്ടി​ക​ളെ​യും ആ​ണ്‍പ​ട്ടി​ക​ളെ​യും ഒ​രു​മി​ച്ചു താ​മ​സി​പ്പി​ക്ക​രു​ത്.

കൃ​ത്യ​മാ​യ കാ​ല​യ​ള​വി​ൽ പ്ര​ജ​ന​നം ന​ട​ത്തു​ന്ന സ്ഥാ​പ​ന​ങ്ങ​ളി​ൽ വെ​റ്ററിന​റി ഡോ​ക്ട​റു​ടെ സ​ന്ദ​ർ​ശ​നം ഉ​റ​പ്പു വ​രു​ത്ത​ണം.

എ​ട്ടാ​ഴ്ച​യ്ക്കു മു​ക​ളി​ൽ പ്രാ​യ​മു​ള്ള വ​ള​ർ​ത്തു മൃ​ഗ​ങ്ങ​ളു​ടെ ആ​രോ​ഗ്യ വി​വ​ര​ങ്ങ​ൾ രേ​ഖ​യാ​ക്കി സൂ​ക്ഷി​ച്ചി​രി​ക്ക​ണം എന്നും നിർദേശങ്ങളിൽ പറയുന്നു.