മുള്ളൻ പന്നിയുമായി പോരടിച്ച് അവസാനം മുള്ളൻ പന്നിയുടെ ശരീരത്തിനോട് സാമ്യമമായി വളർത്തുനായയുടെ മുഖം മാറി . ന്യൂയോർക്കിലെ റക്കസ് എന്ന് പേരുള്ള വളർത്തു നായയ്ക്കാണ് ഈ ദുരനുഭവമുണ്ടായത്. സെന്‍റ്. ബെർണാഡ് എന്നയിനത്തിൽപ്പെട്ട നായയാണ് ഇത്.
മുമ്പിൽ കണ്ട ഒരു മുള്ളൻപന്നിയുടെ അടുക്കലാണ് റക്കസ് കുസൃതി കാണിക്കുവാൻ പോയത്. എന്നാൽ നായ അടുക്കലെത്തിയപ്പോൾ തന്നെ മുള്ളൻപന്നി ആക്രമണം അഴിച്ചു വിട്ടു. മുഖത്തും വായയിലും മുള്ള് തറച്ച് കയറിയ നായ വേദനകൊണ്ട് പുളഞ്ഞു.
റക്കസിനെ ഉടൻ തന്നെ മൃഗാശുപത്രിയിലെത്തിച്ചു. ദീർഘനേരത്തെ പരിശ്രമത്തിനു ശേഷം മുള്ളുകളെല്ലാം റക്കസിന്‍റെ മുഖത്തു നിന്നും വായയിൽ നിന്നും നീക്കം ചെയ്യുകയും ചെയ്തു.
