പട്ടിയെ പിടിച്ചില്ലെങ്കിലും ചിലവ് ലക്ഷങ്ങൾ..! കോട്ടയത്തു തെരുവുനായ ശല്യം വർധിച്ചു; വന്ധ്യംകരണം എങ്ങുമെത്തി യില്ലെങ്കിലും തദ്ദേശ സ്ഥലനങ്ങൾക്ക് ചിലവ് ലക്ഷങ്ങൾ

കോ​ട്ട​യം: ജി​ല്ല​യി​ലെ മി​ക്ക പ്ര​ദേ​ശ​ങ്ങ​ളി​ലും തെ​രു​വു​നാ​യ ശ​ല്യം വ​ർ​ധി​ച്ച സാ​ഹ​ച​ര്യ​ത്തി​ൽ നാ​യ​ക്ക​ളെ വ​ന്ധീ​ക​രിക്കാ​ൻ ഭ​ര​ണ​കൂ​ട​ങ്ങ​ൾ പ്ര​ഖ്യാ​പി​ച്ച ഒ​രു പ​ദ്ധ​തി​യും ഇ​തു​വ​രെ​യും വി​ജ​യം ക​ണ്ടി​ല്ല. നാ​യ​നി​യ​ന്ത്ര​ണ​ത്തി​ന്‍റെ പേ​രി​ൽ വി​വി​ധ ത​ദ്ദേ​ശ സ്ഥാ​പ​ന​ങ്ങ​ൾ ല​ക്ഷ​ങ്ങ​ൾ  ചെ​ല​വ​ഴി​ക്കു​ക മാ​ത്ര​മാ​ണ് ചെ​യ്ത​ത്. 10 വ​ർ​ഷം മു​ന്പ് കോ​ട്ട​യം ന​ഗ​ര​സ​ഭ​യാ​ണ് നാ​യ​പി​ടി​ത്ത പ​ദ്ധ​തി​യു​ടെ തു​ട​ക്കം കു​റി​ച്ച​ത്. തെ​രു​വു​നാ​യ​ക​ളെ പി​ടി​കൂ​ടി കോ​ടി​മ​ത​യി​ലെ മൃ​ഗാ​ശു​പ​ത്രി​യി​ൽ വ​ന്ധ്യം​ക​രി​ച്ച് പു​റ​ത്തു​വി​ടു​മെ​ന്ന് പ​ത്ര​സ​മ്മേ​ള​നം ന​ട​ത്തി പ്ര​ഖ്യാ​പി​ച്ചു.

നാ​യ്ക്ക​ളെ പി​ടി​കൂ​ടാ​ൻ വി​ദ​ഗ്ധ​രെ മാ​ത്ര​മ​ല്ല ആ​ശു​പ​ത്രി ആ​വ​ശ്യ​ങ്ങ​ൾ​ക്ക് നാ​യ​വാ​ഹ​നം വാ​ങ്ങു​മെ​ന്നും പ​റ​ഞ്ഞി​രു​ന്നു. മൃ​ഗാ​ശു​പ​ത്രി​യി​ൽ സ്ഥ​ല​സൗ​ക​ര്യ​മി​ല്ലാ​ത്ത​തി​നാ​ൽ  പ​ദ്ധ​തി പാ​ളി. സ​മാ​ന​മാ​യ പ​ദ്ധ​തി മൂ​ന്നു ന​ഗ​ര​സ​ഭ​ക​ൾ​ കൂടി ആ​വി​ഷ്ക​രി​ച്ചെ​ങ്കി​ലും ഒ​രു നാ​യ​പോ​ലും പി​ടി​യി​ലാ​യി​ല്ല.  ജി​ല്ലാ പ​ഞ്ചാ​യ​ത്തും ജി​ല്ലാ ഭ​ര​ണ​കൂ​ട​വും പ​ത്ര​ക്കു​റി​പ്പി​റ​ക്കി നാ​ലു വ​ർ​ഷം മു​ന്പ് നാ​യ​പി​ടി​ത്ത പ​ദ്ധ​തി ആ​വി​ഷ്ക​രി​ച്ചു.

വ​ലി​യ തു​ക​യും ഇ​തി​നാ​യി  നീ​ക്കി​വ​ച്ചു. തെ​രു​വു​നാ​യ്ക്ക​ളെ കൊ​ല്ലാ​ൻ നി​യ​മം അ​നു​വ​ദി​ക്കാ​ത്ത​തി​നാ​ൽ അ​വ​യെ വ​ന്ധ്യം​ക​രി​ച്ച് ജ​ന​ന​നി​യ​ന്ത്ര​ണ​മു​ണ്ടാ​ക്കു​മെ​ന്നാ​യി​രു​ന്നു ക​ള​ക്ട​റു​ടെ പ്ര​ഖ്യാ​പ​നം. മൃ​ഗ​സം​ര​ക്ഷ​ണ വ​കു​പ്പി​ന്‍റെ സ​ഹാ​യ​ത്തോ​ടെ കോ​ട്ട​യ​ത്ത് സ്ഥി​രം സം​വി​ധാ​ന​മാ​ണ് അ​ന്നു ല​ക്ഷ്യ​മി​ട്ട​ത്.   50 നാ​യ്ക്ക​ളെ സൂ​ക്ഷി​ക്കാ​ൻ കൂ​ടു​ണ്ടാ​ക്കു​മെ​ന്നും വ​ന്ധ്യം​ക​രി​ച്ച​വ​യെ   മു​ന്നു​ദി​വ​സം  കൂ​ട്ടി​ൽ സൂ​ക്ഷി​ക്കു​മെ​ന്നും വ്യ​ക്ത​മാ​ക്കി​യി​രു​ന്നു. പ​ക്ഷെ ഒ​രു നാ​യ​യെ പോ​ലും പി​ടി​ക്കാ​ൻ സാ​ധി​ച്ചി​ല്ല. ഒ​രു നാ​യ​യെ വ​ന്ധ്യം​ക​രി​ക്കാ​ൻ അ​ഞ്ഞൂ​റു​രൂ​പ​യു​ടെ മ​രു​ന്ന്  വേ​ണം. തീ​റ്റ​ച്ചെ​ല​വി​നു പു​റ​മെ നാ​യ​യെ പി​ടി​ക്കു​ന്ന​വ​ർ​ക്കും വേ​ത​നം ന​ൽ​ക​ണം.