തന്റെ ആദ്യ തെലുങ്ക് ചിത്രം മഹാനദിയുടെ ഡബ്ബിങ്ങിനായി ഉറക്കമിളച്ച് ദുല്‍ഖര്‍ സല്‍മാന്‍. താരം തന്നെയാണ് ഡബ്ബ് ചെയ്യുന്നതിനായി സ്റ്റുഡിയോയില്‍ ഇരിക്കുന്നതിന്റെ ചിത്രങ്ങള്‍ ഫേസ്ബുക്കില്‍ പോസ്റ്റ് ചെയ്തിരിക്കുന്നത്. പരീക്ഷക്ക് പോലും താന്‍ ഇത്രയും കഷ്ടപ്പെട്ടിട്ടില്ല എന്നാണ് ചിത്രത്തിനൊപ്പം ദുല്‍ഖര്‍ കുറിച്ചത്.
ഓക്കെ കണ്‍മണി എന്ന തമിഴ് ചിത്രത്തിലും ദുല്‍ഖര്‍ തന്നെയാണ് ഡബ്ബ് ചെയ്തത്. താരത്തെ അഭിനന്ദിച്ചും ആശ്വസിപ്പിച്ചും നിരവധി ആരാധരും കമന്റിലൂടെ രംഗത്തെത്തിയിട്ടുണ്ട്. തമിഴിലും തെലുങ്കിലുമായാണ് മഹാനദി പുറത്തിറങ്ങുന്നത്. ദുല്‍ഖര്‍ വ്യത്യസ്ത ലുക്കിലെത്തിയ ചിത്രത്തിന്റെ പോസ്റ്റര്‍ നേരത്തെ തന്നെ ശ്രദ്ധിക്കപ്പെട്ടിരുന്നു.
