കൊച്ചി: ഡോക്ടര്‍ വന്ദന ദാസിന്‍റെ കൊലപാതകത്തില്‍ സിബിഐ അന്വേഷണം ആവശ്യപ്പെട്ട് മാതാപിതാക്കള്‍ ഹൈക്കോടതിയില്‍.
സുതാര്യമായ അന്വേഷണം ഉറപ്പാക്കണമെന്ന് ആവശ്യപ്പെട്ട് സമര്‍പ്പിച്ച ഹര്‍ജിയില്‍ നിലവിലെ പോലീസ് അന്വേഷണം കാര്യക്ഷമമല്ലെന്നും ആരോപണമുണ്ട്. സുരക്ഷാവീഴ്ചകള്‍ പരിശോധിച്ചില്ലെന്നും ഹര്‍ജിയില്‍ വ്യക്തമാക്കുന്നു.
കേസില്‍ അറസ്റ്റിലയ പ്രതി സന്ദീപ് സംഭവസമയം ലഹരി വസ്തുക്കള്‍ ഉപയോഗിച്ചിരുന്നില്ലെന്ന ഫോറന്‍സിക് പരിശോധനാ ഫലം കഴിഞ്ഞദിവസം പുറത്തുവന്നിരുന്നു.
സംഭവത്തില്‍ സംസ്ഥാന പോലീസിനെ വിമര്‍ശിച്ച് രാഷ്ട്രീയ നേതക്കളടക്കം രംഗത്തുവന്നിരുന്നു. പോലീസ് സംഭവസമയത്ത് ഇടപെട്ടതില്‍ വീഴ്ചകളുണ്ടെന്നും ആക്രമിക്കപ്പെട്ട ആശുപത്രിയില്‍ പ്രാഥമിക ചികിത്സ പോലും വന്ദനയ്ക്ക് നല്‍കിയില്ലെന്നും വ്യക്തമാക്കി ദേശീയ വനിതാ കമ്മീഷന്‍ അധ്യക്ഷ രേഖാ ശര്‍മയും രംഗത്തെത്തിയിരുന്നു.
