അ​ങ്ക​മാ​ലി​യി​ൽ മു​ങ്ങി​യ “ഡ്രാ​ക്കു​ള’​യെ പെ​രു​മ്പാ​വൂ​രി​ൽ പൊ​ക്കി; സുരേഷിന്‍റെ മോഷണ രീതിയെക്കുറിച്ച് പോലീസ് പറ‍യുന്നതിങ്ങനെ…

ആ​ലു​വ: പോ​ലീ​സി​ന്‍റെ കൈ​യി​ൽ​നി​ന്ന് ഇ​ന്ന​ലെ ര​ക്ഷ​പ്പെ​ട്ട​ കു​പ്ര​സി​ദ്ധ കു​റ്റ​വാ​ളി ഡ്രാ​ക്കു​ള സു​രേ​ഷ് (30) വീ​ണ്ടും പോ​ലീ​സി​ന്‍റെ പി​ടി​യി​ലാ​യി.

അ​ങ്ക​മാ​ലി ക​റു​കു​റ്റി കോ​വി​ഡ് സെ​ന്‍റ​റി​ൽ​നി​ന്നു ര​ക്ഷ​പ്പെ​ട്ട ഇ​യാ​ളെ ഇ​ന്ന് പെ​രു​മ്പാ​വൂ​ർ വെ​ങ്ങോ​ല​യി​ൽ നി​ന്നു പോ​ലീ​സ് കൈ​യോ​ടെ പൊ​ക്കു​ക​യാ​യി​രു​ന്നു.

ഡ്രാ​ക്കു​ള സു​രേ​ഷ് എ​ന്ന വ​ട​യ​മ്പാ​ടി ചെ​മ്മ​ല കോ​ള​നി​യി​ൽ സു​രേ​ഷി​നെ പെ​രു​മ്പാ​വൂ​രി​ലെ ക​ട​യി​ൽ നി​ന്ന് പ​ണം മോ​ഷ്ടി​ച്ച കേ​സി​ൽ പോ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

തു​ട​ർ​ന്ന് ഇ​യാ​ളെ കോ​വി​ഡ് നി​രീ​ക്ഷ​ണ​ത്തി​നാ​യി ബു​ധ​നാ​ഴ്ച്ച അ​ർ​ധ​രാ​ത്രി​യോ​ടെ അ​ങ്ക​മാ​ലി ക​റു​കു​റ്റി​യി​ലെ കോ​വി​ഡ് കെ​യ​ർ സെ​ന്‍റ​റി​ലെ​ത്തി​ച്ചു. ഇ​വി​ടെ​വ​ച്ച് പോ​ലീ​സി​നെ ത​ള്ളി മാ​റ്റി ഡ്രാ​ക്കു​ള അ​തി​വി​ദ​ഗ്ധ​മാ​യി ര​ക്ഷ​പ്പെ​ടു​ക​യാ​യി​രു​ന്നു.

റൂ​റ​ൽ ജി​ല്ലാ പോ​ലീ​സ് മേ​ധാ​വി കെ. ​കാ​ർ​ത്തി​കി​ന്‍റെ നി​ർ​ദേ​ശ​പ്ര​കാ​രം പ്ര​ത്യേ​ക സം​ഘം പെ​രു​മ്പാ​വൂ​ർ സി​ഐ സി. ​ജ​യ​കു​മാ​റി​ന്‍റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ൽ ക​ണ്ട​ന്ത​റ​യി​ലെ ഒ​രു വീ​ട്ടി​ൽ നി​ന്ന് ഇ​ന്ന് പു​ല​ർ​ച്ചെ മൂ​ന്നു മ​ണി​യോ​ടെ പ്ര​തി​യെ പി​ടി​കൂ​ടി. ഇ​വി​ടെ ഒ​രു സ്ത്രീ​യു​മാ​യി ഇ​യാ​ൾ വാ​ട​ക​യ്ക്ക് താ​മ​സി​ച്ചു വ​രി​ക​യാ​യി​രു​ന്ന​താ​യും പ​റ​യു​ന്നു.

20 കേസുകളിൽ പ്രതി
ഇ​തി​ന​കം 20 ൽ ​അ​ധി​കം കേ​സു​ക​ളി​ൽ പ്ര​തി​യാ​ണ് പി​ടി​യി​ലാ​യ ഡ്രാ​ക്കു​ള സു​രേ​ഷ്. പു​റ​ത്തി​റ​ങ്ങി​യാ​ൽ ഉ​ട​ൻ ഒ​രു മോ​ഷ​ണ പ​ദ്ധ​തി​യി​ട്ടി​ട്ടു​ണ്ടാ​കു​മെ​ന്നാ​ണ് പോ​ലീ​സ് ഇ​യാ​ളെ​ക്കു​റി​ച്ച് പ​റ​യാ​റു​ള്ള​ത്.

മോ​ഷ​ണ​ശ്ര​മ​ത്തി​നി​ടെ പി​ടി​യി​ലാ​യാ​ൽ ഏ​തെ​ങ്കി​ലും വി​ധ​ത്തി​ൽ ര​ക്ഷ​പ്പെ​ടു​ന്ന​താ​ണ് ഇ​യാ​ളു​ടെ പ​തി​വ്. ജ​യി​ലി​നു പു​റ​ത്തി​റ​ങ്ങി​യാ​ൽ പ​ട്ടാ​പ്പ​ക​ലും മോ​ഷ​ണം ന​ട​ത്തും.

ഇ​യാ​ൾ മോ​ഷ​ണം തു​ട​ങ്ങു​ന്ന കാ​ല​ത്ത് രാ​ത്രി​യി​ൽ മാ​ത്ര​മാ​യി​രു​ന്നു ക​വ​ർ​ച്ചാ ശീ​ലം. അ​ങ്ങ​നെ കി​ട്ടി​യ​താ​ണ് ഡ്രാ​ക്കു​ള എ​ന്ന ഇ​ര​ട്ട​പ്പേ​ര്. ക​ഴി​ഞ്ഞ വ​ർ​ഷം മോ​ഷ​ണ​ത്തി​നി​ടെ പി​ടി​യി​ലാ​യ ഇ​യാ​ൾ പോ​ലീ​സ് ജി​പ്പി​ന്‍റെ പി​ന്നി​ലെ ചി​ല്ല് അ​ടി​ച്ചു ത​ക​ർ​ക്കു​ക​യും കു​പ്പി​ച്ചി​ല്ല് വി​ഴു​ങ്ങി ആ​ത്മ​ഹ​ത്യാ ഭീ​ഷ​ണി ന​ട​ത്തു​ക​യും ചെ​യ്ത​തി​രു​ന്ന​ത് സോ​ഷ്യ​ൽ മീ​ഡി​യ​ക​ളി​ൽ ച​ർ​ച്ച​യാ​യി​രു​ന്നു.

നേരത്തെയും പോലീസിനെ വെട്ടിച്ച് കടന്നു
2001 മു​ത​ൽ പു​ത്ത​ൻ​കു​രി​ശ്, മൂ​വാ​റ്റു​പു​ഴ, കു​ന്ന​ത്തു​നാ​ട്, ചോ​റ്റാ​നി​ക്ക​ര, രാ​മ​മം​ഗ​ലം തു​ട​ങ്ങി​യ സ്റ്റേ​ഷ​നു​ക​ളി​ലാ​യി​ട്ടാ​ണ് ഇ​രു​പ​തോ​ളം കേ​സു​ക​ളു​ള്ള​ത്.

അ​ഞ്ചു വ​ർ​ഷം മു​മ്പ് കോ​ല​ഞ്ചേ​രി​യി​ൽ പ​ള്ളി​യി​ൽ മോ​ഷ​ണം ന​ട​ത്താ​ൻ ക​യ​റി​യ ഇ​യാ​ൾ പോ​ലീ​സി​നെ വ​ല​ച്ച​തും വാ​ർ​ത്ത​യാ​യി​രു​ന്നു. വെ​ന്‍റി​ലേ​ഷ​നി​ൽ കു​ടു​ങ്ങി അ​വി​ടെ​യി​രു​ന്ന് ഉ​റ​ങ്ങി​പ്പോ​യ ഇ​യാ​ളെ ഒ​ടു​വി​ൽ പോ​ലീ​സെ​ത്തി പ്ര​യാ​സ​പ്പെ​ട്ടാ​ണ് പു​റ​ത്തെ​ടു​ത്ത​ത്.

2018 ജൂ​ലൈ 29ന് ​പ​ക​ൽ മൂ​വാ​റ്റു​പു​ഴ ക​ച്ചേ​രി​ത്താ​ഴ​ത്തു​ള്ള പി.​ബി. അ​ജി​ത്കു​മാ​റി​ന്‍റെ ആ​ധാ​രം എ​ഴു​ത്ത് ഓ​ഫി​സി​ൽ​നി​ന്ന് ഒ​ന്ന​ര​ല​ക്ഷം രൂ​പ മോ​ഷ്ടി​ച്ച​തി​നും ഇ​യാ​ൾ​ക്കെ​തി​രെ കേ​സു​ണ്ടാ​യി​രു​ന്നു.

അ​ത​സ​മ​യം, ക​ഴി​ഞ്ഞ​യാ​ഴ്ച്ച നെ​ടു​മ്പാ​ശേ​രി സി​യാ​ൽ സെ​ന്‍റ​റി​ൽ​നി​ന്നും ചാ​ടി പോ​യ കോ​വി​ഡ് ബാ​ധി​ത​നാ​യ പോ​ക്സോ കേ​സി​ലെ പ്ര​തി കു​ട്ട​മ്പു​ഴ സ്വ​ദേ​ശി മു​ത്തു​വി​നെ പി​ടി​കൂ​ടാ​ൻ ഇ​തു​വ​രെ പോ​ലീ​സി​ന് ക​ഴി​ഞ്ഞി​ട്ടി​ല്ലാ​യെ​ന്ന​ത് നാ​ണ​ക്കേ​ടാ​യി തു​ട​രു​ക​യാ​ണ്.