കൊച്ചി: കഴിഞ്ഞ ദിവസം കൊച്ചി ഇടപ്പള്ളി മെട്രോ സ്റ്റേഷനു സമീപം എളമക്കര സ്റ്റേഷനിലെ ഗ്രേഡ് എഎസ്‌ഐ ഗിരീഷ് കുമാറിനെ പേനാക്കത്തിക്ക് കുത്തിപ്പരിക്കേല്‍പിച്ച ബൈക്ക് മോഷ്ടാവ് ബിച്ചുവിനെ പോലീസ് ബലപ്രയോഗത്തിലൂടെ കീഴടക്കുന്നതിന്‍റെ ദൃശ്യം പുറത്ത്.
ആദ്യം വൈറ്റിലയിലേക്കുള്ള റോഡില്‍ വച്ച് ബിച്ചുവിനെ കീഴ്‌പ്പെടുത്താന്‍ ശ്രമിച്ചെങ്കിലും ഓടി രക്ഷപ്പെട്ടു.
ഇടപ്പള്ളി ജംഗ്ഷനിലേക്കു വന്ന ബിച്ചുവിനെ അവിടെ വച്ചു പോലീസ് വളഞ്ഞിട്ടു പിടിക്കാന്‍ ശ്രമിച്ചെങ്കിലും കഴിഞ്ഞില്ല.
പിന്നാലെ ഓടിയ എഎസ്‌ഐ പിടികൂടാന്‍ ശ്രമിക്കുന്നതിനിടെ, ബിച്ചു എഎസ്‌ഐയുടെ കൈയില്‍ പേനാക്കത്തിക്ക് കുത്തി. ഇതിനിടെ മറ്റു പോലീസുകാര്‍ സാഹസികമായി കീഴടക്കുകയായിരുന്നു.
