ഡോ​ക്ട​ർ പാ​ട്ടി​ലു​ണ്ട്! സം​ഗീ​തം സു​ഖ​പ്പെ​ടു​ത്താ​ത്ത മു​റി​വു​ക​ളും വേ​ദ​ന​ക​ളു​മി​ല്ല; ഡോ. ​ലി​ജോ മ​ന്ന​ച്ച​ൻ എ​ഴു​തി​യ പാ​ട്ടു​ക​ൾ ഇ​പ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈറലാകുന്നു…

സ്വന്തം ലേഖകൻ

തൃ​ശൂ​ർ: സം​ഗീ​തം സു​ഖ​പ്പെ​ടു​ത്താ​ത്ത മു​റി​വു​ക​ളും വേ​ദ​ന​ക​ളു​മി​ല്ല. അ​ങ്ങ​നെ​യെ​ങ്കി​ൽ മി​ക്ക പാ​ട്ടു​ക​ളും മി​ക​ച്ച ഡോ​ക്ട​ർ​മാ​രാ​ണ്. ഇ​വി​ടെ​യി​താ ഒ​രു ഡോ​ക്ട​ർ​ത​ന്നെ പാ​ട്ടെ​ഴു​തു​ന്നു.

പ്ര​ണ​യ​വും വി​ര​ഹ​വും ഭ​ക്തി​യും മ​ന​സു​ക​ൾ​ക്കു​ള്ള മ​രു​ന്നു​ക​ളാ​യി ആ ​വ​രി​ക​ളി​ൽ നി​റ​യു​ന്നു. തൃ​ശൂ​ർ ക​രു​വ​ന്നൂ​ർ ചെ​റി​യ​പാ​ല​ത്തി​ന​ടു​ത്ത ആ​യു​ർ ജ്യോ​തി ആ​യു​ർ​വേ​ദ ഹോ​സ്പി​റ്റ​ലി​ലെ ഡോ. ​ലി​ജോ മ​ന്ന​ച്ച​ൻ എ​ഴു​തി​യ പാ​ട്ടു​ക​ൾ ഇ​പ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ ഹി​റ്റാ​ണ്.

പാ​ട്ടെ​ഴു​താ​ൻ ക​ഴി​യു​മെ​ന്നോ, എ​ഴു​തി​യ​ത് ആ​രെ​ങ്കി​ലും ഈ​ണ​മി​ട്ടു പാ​ടു​മെ​ന്നോ ഒ​രി​ക്ക​ലും സ്വ​പ്നം ക​ണ്ടി​ട്ടി​ല്ലാ​ത്ത ഡോ. ​ലി​ജോ​യു​ടെ വ​രി​ക​ൾ​ക്കൊ​പ്പം നി​ന്ന​ത് ഭാ​വ​ഗാ​യ​ക​ൻ പി. ​ജ​യ​ച​ന്ദ്ര​നും സം​ഗീ​ത​സം​വി​ധാ​യ​ക​ൻ എം. ​ജ​യ​ച​ന്ദ്ര​നും അ​ട​ക്ക​മു​ള്ള പ്ര​തി​ഭ​ക​ൾ!

ഗാ​യി​ക ചി​ത്ര അ​രു​ണ്‍ ഈ​ണ​മി​ട്ട് പി. ​ജ​യ​ച​ന്ദ്ര​ൻ പാ​ടി​യ അ​വ​ൾ എ​ന്ന പാ​ട്ട് സം​ഗീ​ത​പ്രേ​മി​ക​ൾ നെ​ഞ്ചോ​ടു​ചേ​ർ​ത്തു​വ​ച്ചി​രി​ക്കു​ന്നു. മു​ന്പ് എം. ​ജ​യ​ച​ന്ദ്ര​ൻ സം​ഗീ​ത​മൊ​രു​ക്കി അ​ദ്ദേ​ഹ​വും ചി​ത്ര അ​രു​ണും ചേ​ർ​ന്നു പാ​ടി​യ പ്ര​ണ​യ​ത്തി​ൻ ക​ന​വു​ക​ളു​മാ​യ് എ​ന്ന ആ​ൽ​ബം ഇ​ന്നും വൈ​റ​ലാ​ണ്.

മം​ഗ​ളു​രു​വി​ൽ ബി​എ​എം​എ​സ് പ​ഠ​ന​കാ​ല​ത്താ​ണ് പാ​ട്ടി​ന്‍റെ പാ​ത​യി​ലൂ​ടെ ലി​ജോ കൂ​ടു​ത​ൽ ന​ട​ന്ന​ത്. കോ​ള​ജി​ലും ഹോ​സ്റ്റ​ലി​ലും പാ​ടി​ത്തു​ട​ങ്ങി. അ​തു​വ​രെ മ​ന​സി​ൽ കൊ​ണ്ടു​ന​ട​ന്ന​തെ​ല്ലാം കു​ത്തി​ക്കു​റി​ച്ചു​തു​ട​ങ്ങി.

സ്മാ​ർ​ട്ട്ഫോ​ണ്‍ വ​ന്ന​തോ​ടെ എ​ഴു​ത്ത് ഫോ​ണി​ലേ​ക്കു മാ​റ്റി. എ​ഴു​തു​ന്ന​ത് കൂ​ട്ടു​കാ​രെ​പ്പോ​ലും കാ​ണി​ക്കാ​ൻ ധൈ​ര്യ​മി​ല്ലാ​യി​രു​ന്നു തു​ട​ക്ക​ത്തി​ൽ. എ​ന്നി​ട്ടും പ​ഠ​ന​ത്തി​ന്‍റെ​യും ജോ​ലി​യു​ടെ​യും തി​ര​ക്കു​ക​ൾ​ക്കി​ട​യി​ൽ പാ​ട്ടും​പാ​ടി എ​ഴു​ത്തു തു​ട​ർ​ന്നു.

പ​ഠ​നം ക​ഴി​ഞ്ഞ് ഹൗ​സ് സ​ർ​ജ​ൻ​സി​ക്കും പാ​ല​ക്കാ​ട് നാ​രാ​യ​ണ ആ​യു​ർ​വേ​ദ ചി​കി​ത്സാ​ല​യ​ത്തി​ലെ ജോ​ലി​ക്കും ശേ​ഷം നാ​ട്ടി​ൽ സ്വ​ന്ത​മാ​യി ആ​ശു​പ​ത്രി തു​ട​ങ്ങി​യ​തോ​ടെ എ​ഴു​താ​ൻ കൂ​ടു​ത​ൽ സ​മ​യം​കി​ട്ടി. എ​ഴു​തി​യ​തി​ൽ ചി​ല​ത് ഫേ​സ്ബു​ക്കി​ൽ പോ​സ്റ്റു​ക​ളാ​ക്കി.

കു​റേ​പ്പേ​ർ ന​ല്ല ക​മ​ന്‍റു​ക​ളി​ട്ടു. അ​തി​ലൊ​ര​ഭി​പ്രാ​യം ഇ​ങ്ങ​നെ​യാ​യി​രു​ന്നു: നി​ന്‍റെ മ​ല​യാ​ളം എ​ഴു​ത്ത് ന​ല്ല​താ​ണ്. കൂ​ടു​ത​ൽ എ​ഴു​താ​ൻ ശ്ര​മി​ക്ക​ണം, നി​ന​ക്കു പാ​ട്ടെ​ഴു​താ​ൻ പ​റ്റും- ആ ​അ​ഭി​പ്രാ​യം പ​റ​ഞ്ഞ​ത് മ​റ്റാ​രു​മ​ല്ല, സം​ഗീ​ത​സം​വി​ധാ​യ​ക​ൻ എം. ​ജ​യ​ച​ന്ദ്ര​നാ​യി​രു​ന്നു.

സ​ഹോ​ദ​ര​തു​ല്യ​നാ​യ അ​ദ്ദേ​ഹ​ത്തി​ന്‍റെ വാ​ക്കു​ക​ൾ വ​ലി​യ ധൈ​ര്യം പ​ക​ർ​ന്നു​വെ​ന്ന് ഡോ. ​ലി​ജോ പ​റ​യു​ന്നു. വെ​റും​വാ​ക്കു പ​റ​യു​ന്ന ആ​ള​ല്ല എം. ​ജ​യ​ച​ന്ദ്ര​ൻ.

ഏ​റെ വൈ​കാ​തെ ലി​ജോ​യു​ടെ വ​രി​ക​ൾ എം. ​ജ​യ​ച​ന്ദ്ര​ന്‍റെ ഈ​ണ​ത്തി​ൽ അ​ദ്ദേ​ഹ​ത്തി​ന്‍റെ​ത​ന്നെ ശ​ബ്ദ​ത്തി​ൽ പു​റ​ത്തി​റ​ങ്ങി. പാ​ട്ട് ഹി​റ്റാ​വു​ക​യും ചെ​യ്തു.

പ​തി​നാ​റു വ​ർ​ഷ​മാ​യി രോ​ഗി​ക​ളെ പ​രി​ശോ​ധി​ക്കു​ന്നു. ആ​ശു​പ​ത്രി​യി​ൽ ഓ​രോ രോ​ഗി​ക​ളും 14 അ​ല്ലെ​ങ്കി​ൽ 21 ദി​വ​സം​വ​രെ ചി​കി​ത്സ​ക​ളു​ടെ ഭാ​ഗ​മാ​യി ഉ​ണ്ടാ​കും.

എ​ല്ലാ​വ​രോ​ടും സം​സാ​രി​ച്ച് വി​ശേ​ഷ​ങ്ങ​ൾ അ​റി​യും. അ​വ​രു​ടെ അ​വ​സ്ഥ​ക​ളും മാ​ന​സി​ക സം​ഘ​ർ​ഷ​ങ്ങ​ളും അ​റി​യാം. ന​മ്മു​ടെ ഉ​ള്ളി​ലു​ള്ള സാ​ങ്ക​ല്പി​ക ലോ​ക​മ​ല്ല പു​റ​ത്തു​ള്ള​ത്. ഈ ​അ​നു​ഭ​വ​ങ്ങ​ളും ജീ​വി​ത​പ​രി​ച​യ​വു​മെ​ല്ലാം ഇ​പ്പോ​ൾ എ​ഴു​ത്തി​നെ സ്വാ​ധീ​നി​ക്കു​ന്നു​ണ്ട്- ഡോ. ​ലി​ജോ പ​റ​യു​ന്നു.

എം.​കെ. അ​ർ​ജു​ന​ൻ മാ​സ്റ്റ​റു​ടെ മ​ക​ൻ അ​ശോ​ക​ൻ അ​ർ​ജു​ന​ൻ ഈ​ണ​മി​ടു​ന്ന പാ​ട്ടു​ക​ളാ​ണ് ലി​ജോ​യു​ടെ വ​രി​ക​ളി​ൽ ഇ​നി പു​റ​ത്തി​റ​ങ്ങാ​നി​രി​ക്കു​ന്ന​ത്.

ഭാ​സ്ക​ര​ൻ മാ​സ്റ്റ​റെ​യും ബി​ച്ചു തി​രു​മ​ല​യെ​യും ഗി​രീ​ഷ് പു​ത്ത​ഞ്ചേ​രി​യെ​യും റ​ഫീ​ഖ് അ​ഹ​മ്മ​ദി​നെ​യും ആ​രാ​ധി​ക്കു​ന്ന ഡോ​ക്ട​റോ​ടു ചോ​ദി​ച്ചു: എ​ന്നെ​ങ്കി​ലും ഒ​രു സി​നി​മ​യ്ക്കു പാ​ട്ടെ​ഴു​താ​ൻ ആ​ഗ്ര​ഹ​മി​ല്ലേ? എ​നി​ക്ക​തു കേ​ൾ​ക്കു​ന്ന​തേ പേ​ടി​യാ​ണ്.

എ​ന്‍റെ പ​രി​മി​തി​ക​ൾ ന​ന്നാ​യി​ട്ട​റി​യാം. ആ​രെ​ങ്കി​ലും ഒ​രു സി​റ്റു​വേ​ഷ​ൻ പ​റ​ഞ്ഞ് പാ​ട്ടെ​ഴു​താ​ൻ പ​റ​ഞ്ഞാ​ൽ ഇ​പ്പോ​ഴ​ത്തെ നി​ല​യ്ക്കു പ​റ്റി​ല്ല. മ​ന​സി​ൽ വ​രു​ന്ന വി​കാ​ര​ങ്ങ​ൾ, അ​ധി​ക​വും വി​ഷ​മ​ങ്ങ​ൾ, സ​മ്മ​ർ​ദ്ദ​ങ്ങ​ളൊ​ക്കെ​യാ​ണ് വ​രി​ക​ളാ​കു​ന്ന​ത്. ഭ​യ​ങ്ക​ര സ​ന്തോ​ഷ​ത്തി​ലി​രു​ന്ന് എ​ഴു​തി​യി​ട്ടി​ല്ല. എ​ന്താ​യാ​ലും എ​ഴു​ത്തു തു​ട​രും. അ​തൊ​രു മ​രു​ന്നാ​ണ്.

പി​താ​വ് ഡോ. ​ജെ. മ​ന്ന​ച്ച​ന്‍റെ പാ​ത പി​ന്തു​ട​ർ​ന്നാ​ണ് ഡോ. ​ലി​ജോ ആ​യു​ർ​വേ​ദം തെ​ര​ഞ്ഞെ​ടു​ത്ത​ത്. ഭാ​ര്യ റെ​മി​നും ആ​യു​ർ​വേ​ദ ഡോ​ക്ട​ർ. ഇ​രു​വ​രും ലി​ജോ​യോ​ടൊ​പ്പം ആ​യു​ർ ജ്യോ​തി​യി​ൽ ചി​കി​ത്സ​ക​ൾ​ക്കു നേ​തൃ​ത്വം ന​ൽ​കു​ന്നു. ശാ​ന്ത​യാ​ണ് അ​മ്മ. മ​ക്ക​ൾ എ​ട്ടാം ക്ലാ​സു​കാ​രി ജെ​ന്നി​ഫ​റും ഒ​ന്നാം ക്ലാ​സു​കാ​ര​ൻ ജൊ​ഹാ​ൻ ജോ​സ​ഫും.