ഇംഫാൽ: മത്തങ്ങയ്ക്കുള്ളിൽ മയക്കുമരുന്ന് ഒളിപ്പിച്ചുകടത്താൻ ശ്രമിച്ച രണ്ടുപേർ പിടിയിൽ. അസം റൈഫിൾസും മണിപ്പുർ പോലീസും ചേർന്നു നടത്തിയ റെയ്ഡിലാണു ട്രക്കിൽ കടത്താൻ ശ്രമിച്ച 3.5 കോടി രൂപ വിലമതിക്കുന്ന ബ്രൗൺഷുഗർ പിടികൂടിയത്.
ഇന്‍റലിജൻസ് റിപ്പോർട്ടിന്‍റെ അടിസ്ഥാനത്തിൽ മണിപ്പുരിലെ ഫെർസാൾ ജില്ലയിലെ തിപൈമുഖിൽനിന്ന് അസമിലെ കച്ചാറിലേക്ക് പോവുകയായിരുന്ന ട്രക്ക് സുരക്ഷാസേന തടയുകയായിരുന്നു. സംഭവത്തിൽ പോലീസ് വിശദമായ അന്വേഷണം ആരംഭിച്ചു.
