മീനുകൾക്ക് തീറ്റ നൽകുന്ന താറാവിന്‍റെ ദൃശ്യങ്ങൾ സോഷ്യൽമീഡിയയിൽ ഹിറ്റാകുന്നു. ബ്രസീലിലെ പ്രശസ്തനായ മത്സ്യത്തൊഴിലാളിയുടെ ഫേസ്ബുക്ക് പേജിലാണ് ഈ ദൃശ്യങ്ങൾ പ്രത്യക്ഷപ്പെട്ടത്.
താറാവിന് തീറ്റ നിറച്ച പാത്രം വെള്ളത്തിനു മുകളിലാണ്. പാത്രത്തിനുള്ളിൽ നിൽക്കുന്ന താറാവുകളിലൊന്ന് തീറ്റ കൊക്കിൽ കൊത്തിയെടുത്ത് മീനുകൾക്ക് നൽകുന്നതാണ് ദൃശ്യങ്ങളിലുള്ളത്. മീനുകൾ ഓരോരുത്തരായി വന്ന് തീറ്റ സ്വീകരിക്കുന്നതും വീഡിയോയിൽ വ്യക്തമാണ്.
സോഷ്യൽമീഡിയയിൽ പങ്കുവച്ച ചിത്രങ്ങൾ ഇതിനോടകം തന്നെ വൈറലായി മാറുകയാണ്.
