മെഗാസ്റ്റാർ മമ്മൂട്ടിയുടെ വാഹന പ്രേമവും വാഹന നമ്പർ പ്രേമവും വളരെ പ്രശസ്തമാണ്. അച്ഛനെ പോലെ തന്നെ വാഹനക്കമ്പത്തിന്‍റെ കാര്യത്തിൽ ദുൽഖറും ഒട്ടും പിന്നിലല്ല. മമ്മൂട്ടിയുടെ ഇഷ്ടനമ്പരാണ് 369. തന്‍റെ വാഹനങ്ങൾക്കെല്ലാം ഈ നമ്പർ നൽകാൻ ശ്രമിക്കാറുണ്ട്. ഇപ്പൊഴിതാ വാപ്പച്ചിയുടെ ഇഷ്ടനമ്പർ സ്വന്തമാക്കിയാണ് ദുൽഖർ ഒരു ചുവടു കൂടി മുന്നോട്ടു വച്ചിരിക്കുന്നത്.
നാളുകൾ നീണ്ട കാത്തിരിപ്പിനു ശേഷം ദുൽഖർ തന്‍റെ ആഗ്രഹം സഫലീകരിച്ചിരിക്കുകയാണ്. അദ്ദേഹം വാങ്ങിയ ഫോക്സ് വാഗണ്‍ പോളോയ്ക്കാണ് 30,000 രൂപ മുടക്കി കെഎൽ 07 സിഎൽ 369 എന്ന നന്പർ നൽകിയിരിക്കുന്നത്.
ഫോക്സ് വാഗണ്‍ കൂടാതെ ദുൽഖറിന് ബിഎംഡ്ബ്ല്യു ആർ 1200 ജിഎസ് അഡ്വഞ്ചർ ടൂറർ ബൈക്കും, മിനി കൂപ്പർ, ബെൻസ് എസ്എൽഎസ് എഎംജി തുടങ്ങിയ കാറുകളുടെ ശേഖരമുണ്ട്. മാത്രമല്ല ബൈക്കുകളോട് കൂടുതൽ പ്രണയമുള്ള അദ്ദേഹത്തിന്‍റെ പക്കൽ മോഡിഫൈഡ് ട്രയംഫ് ബോണ്വില്ലയും ഉണ്ട്.
