നവാഗതനായ സെബി സക്കറിയ സംവിധാനം ചെയ്യുന്ന ചിത്രത്തിൽ ദുൽഖർ സൽമാൻ ഇരട്ടവേഷത്തിലെത്തുന്നു. പ്രണയത്തിനും ആക‌്ഷനും പ്രാധാന്യം നൽകി ഒരുക്കുന്ന ചിത്രത്തിൽ “കട്ടക്കലിപ്പ്’ ഇരട്ടസഹോദരങ്ങളായാണ് ദുൽഖർ എത്തുകയെന്നാണു പുറത്തുവരുന്ന റിപ്പോർട്ടുകൾ. കിടിലൻ ആ‌ക‌്ഷൻ മാസ് ഗെറ്റപ്പിൽ ഒരു കഥാപാത്രം എത്തുന്പോൾ കോളജ് വിദ്യാർഥിയുടെ വേഷത്തിലാണു രണ്ടാമത്തെ കഥാപാത്രം എത്തുന്നത്.
രഞ്ജിത്ത് സംവിധാനം ചെയ്ത “ഞാൻ’ എന്ന ചിത്രത്തിൽ വ്യത്യസ്തമായ രണ്ടു കഥാപാത്രങ്ങളായി ദുൽഖർ എത്തിയിരുന്നെങ്കിലും ഇരട്ടകളായി അഭിനയിക്കുന്നത് ആദ്യമായാണ്. മലയാളിയായ ബോളിവുഡ് സംവിധായകൻ ബിജോയ് നന്പ്യാർ സംവിധാനം ചെയ്യുന്ന സോളോയാണ് ദുൽഖറിന്‍റെ പ്രതീക്ഷ നല്കുന്ന അടുത്ത ചിത്രം.
