കൊച്ചിയിലെ ഒരു ഹോട്ടലിനുള്ളിലെ വിവാഹ ഫോട്ടോഷൂട്ടാണ് ഇപ്പോള്‍ സോഷ്യല്‍മീഡിയയില്‍ വൈറല്‍. ഒരു സാദാ വിവാഹവീഡിയോയില്‍ ഇതിനുമാത്രം എന്താണ് ഉള്ളതെന്നല്ലേ. സാധാരണ വിവാഹഷൂട്ട് തന്നെയായിരുന്നു ഇതും. ഫിലിം ഫാക്ടറി എന്ന ഫേസ്ബുക്ക് പേജാണ് രസകരമായ ഈ ഫോട്ടോഷൂട്ട് വീഡിയോ പോസ്റ്റ് ചെയ്തിരിക്കുന്നത്.
അപ്രതീക്ഷിതമായി ഫ്രെയിമിലേക്ക് കയറിവന്ന ഒരു അതിഥിയാണ് ഈ ഷൂട്ടിനെ സ്‌പെഷ്യല്‍ ആക്കിയത്. മറ്റാരുമല്ല, സൂപ്പര്‍താരം ദുല്‍ക്കര്‍ സല്‍മാന്‍ തന്നെ. ഹോട്ടലിലെ മുന്‍വശത്ത് കൂടി ഭാര്യ അമാല്‍ സൂഫിയക്കൊപ്പം അകത്തേക്ക് പ്രവേശിക്കുകയായിരുന്നു ദുല്‍ഖര്‍. പോസ് ചെയ്തിരുന്ന വധുവിനും വരനും പിന്നിലുള്ള ഫ്രെയിമിലേക്ക് സാക്ഷാല്‍ ദുല്‍ഖര്‍ സല്‍മാന്‍ പ്രവേശിച്ചപ്പോള്‍ വീഡിയോഗ്രാഫര്‍ മറ്റൊന്നും ആലോചിച്ചിച്ചില്ല. ക്യാമറ ഫോക്കസ് ചെയ്തത് നേരേ ദുല്‍ഖറിലേക്ക്. പിന്നീടങ്ങോട്ട് ക്യാമറയില്‍ പതിഞ്ഞിരിക്കുന്നത് മുന്നിലിരുന്ന വധുവും വരനുമല്ല ദുല്‍ഖറും ഭാര്യയുമാണ്. എന്തായാലും സോഷ്യല്‍മീഡിയയില്‍ തകര്‍ത്തോടുകയാണ് ഈ വീഡിയോ ഇപ്പോള്‍.
