താനൊരു കടുത്ത മോഹൻലാൽ ഫാൻ ആണെന്ന് നടി ദുർഗ കൃഷ്ണ നേരത്തെ വെളിപ്പെടുത്തിയതാണ്. ഒരു ചാനൽ ഷോയുടെ പരിശീലനത്തിനിടെ മോഹൻലാലിനെ ആദ്യമായി കണ്ടതിനെ കുറിച്ചും ദുർഗ മുൻപ് പറഞ്ഞിരുന്നു. ഇപ്പോൾ മോഹൻലാലുമായുള്ള ദുർഗയുടെ ഒരു ചിത്രമാണ് സോഷ്യൽ മീഡിയയിൽ വൈറലാകുന്നത്. ദുർഗ ഇൻസ്റ്റാഗ്രാം പേജിലൂടെയാണ് ചിത്രം പങ്കുവെച്ചത്.
ചിത്രം കണ്ട് ആരാധകർ ഓണത്തിന് എന്തെങ്കിലും പരിപാടിയുണ്ടോ എന്ന ചോദ്യത്തിന് , ’’യെസ് വെരി വെരി സ്പെഷ്യൽ വിത്ത് ലൗവ്’’ എന്നാണ് ദുർഗ മറുപടി നൽകിയിട്ടുള്ളത്. ഓണത്തിന് ലാലേട്ടനൊപ്പം ദുർഗയും ഉണ്ടാകുമെന്നാണ് ആരാധകർ പ്രതീക്ഷിക്കുന്നത്.
പ്രദീപ് നായർ സംവിധാനം ചെയ്ത പൃഥ്വിരാജ് ചിത്രമായ വിമാനത്തിലെ നായികയായാണ് ദുർഗ കൃഷ്ണ മലയാള സിനിമയിൽ അരങ്ങേറ്റം കുറിച്ചത്.
