പാലക്കാട്: പിരായിരി കല്ലേക്കാട് ക്ഷേത്രോത്സവത്തിനിടെ ആന വിരണ്ടോടിയതിനെതുടര്‍ന്നുണ്ടായ തിക്കിലും തിരക്കിലും പെട്ട് പരിക്കേറ്റയാള്‍ ഹൃദയാഘാതം മൂലം മരിച്ചു. വള്ളിക്കോട് സ്വദേശിയായ ബാലസുബ്രഹ്മണ്യന്‍(63) ആണ് മരിച്ചത്. തിരക്കില്‍ പെട്ട് 15 പേര്‍ക്ക് പരിക്കേറ്റു.
വെള്ളിയാഴ്ച രാത്രി 10നാണ് സംഭവം. എഴുന്നള്ളത്തിന് ക്ഷേത്രത്തിലെത്തിച്ച പുത്തൂര്‍ ഗണേശന്‍ എന്ന ആന വിരണ്ടോടുകയായിരുന്നു. ആനപുറത്തുണ്ടായിരുന്നവര്‍ മുന്നിലുണ്ടായിരുന്ന മരത്തില്‍ തൂങ്ങിയാണ് രക്ഷപെട്ടത്.
ഉടനെ ആനയെ തളച്ചതുകൊണ്ട് വലിയ അപകടം ഒഴിവായി.
