പാ​തി​യി​ൽ മു​റി​ഞ്ഞ നി​ല​വി​ളി​ക​ൾ! കുട്ടികള്‍ എവിടേക്കു പോകുന്നതാണ് ? ഒളിച്ചോടിയതോ? നാടു വിട്ടതോ? അതോ ആരെങ്കിലും തട്ടിയെടുക്കുന്നതോ?

അ​ന്നും നി​ഥാ​രി ഉ​ണ​ർ​ന്ന​ത് നി​ല​വി​ളി​യോ​ടെ​യാ​യി​രു​ന്നു. ഒ​രു കു​ട്ടി​യെ​ക്കൂ​ടി കാ​ണാ​താ​യി​രി​ക്കു​ന്നു. ഭീ​തി ഒാ​രോ കു​ടും​ബ​ങ്ങ​ളെ​യും പു​ണ​ർ​ന്നു. കാ​ണാ​താ​യ കു​ട്ടി​ക​ളു​ടെ ചി​ത്ര​ങ്ങ​ളി​ൽ നോ​ക്കി മാ​താ​പി​താ​ക്ക​ൾ മാ​റ​ത്ത​ട​ച്ചു നി​ല​വി​ളി​ച്ചു.

ചി​ല​ർ കു​ഞ്ഞു​ങ്ങ​ളെ ചേ​ർ​ത്തു​പി​ടി​ച്ചു പൊ​ട്ട​ക്ക​ര​ഞ്ഞു. അ​വ​രെ പു​റ​ത്തേ​ക്കു വി​ടാ​ൻ അ​വ​ർ പേ​ടി​ച്ചു. രാ​ത്രി​യി​ൽ കു​ഞ്ഞു​ങ്ങ​ൾ​ക്ക് അ​വ​ർ കാ​വ​ലി​രു​ന്നു. ഉ​ത്ത​ർ​പ്ര​ദേ​ശി​ലെ നോ​യി​ഡ​യി​ലു​ള്ള നി​ഥാ​രി ഗ്രാ​മ​ത്തി​ലെ കു​ടും​ബ​ങ്ങ​ൾ​ക്ക് കു​റെ​ക്കാ​ല​മാ​യി ഭീ​തി​യു​ടെ​യും ആ​ശ​ങ്ക​യു​ടെ​യും ദി​ന​ങ്ങ​ളാ​ണ്.

ഗ്രാ​മ​ത്തി​ലെ കു​ട്ടി​ക​ളെ കാ​ണാ​താ​കു​ന്നു എ​ന്ന​താ​ണ് സം​ഭ​വം. അ​വ​ർ എ​വി​ടേ​ക്കു പോ​കു​ന്ന​താ​ണ്? ഒ​ളി​ച്ചോ​ടി​യ​താ​ണോ? നാ​ടു വി​ട്ട​താ​ണോ? അ​തോ ആ​രെ​ങ്കി​ലും കു​ട്ടി​ക​ളെ ത​ട്ടി​യെ​ടു​ക്കു​ന്ന​താ​ണോ? ഒ​ന്നി​നു പി​റ​കെ മ​റ്റൊ​ന്നാ​യി പ​രാ​തി​ക​ൾ എ​ത്തു​ന്പോ​ൾ പോ​ലീ​സി​നും ഒ​രെ​ത്തും​പി​ടി​യും കി​ട്ടി​യി​ല്ല.

എ​വി​ടെ​പ്പോ​യി കു​ട്ടി​ക​ൾ?

ഇ​രു​പ​തോ​ളം കു​ട്ടി​ക​ളെ കാ​ണാ​താ​യ​താ​യി ഏ​താ​നും വ​ർ​ഷ​ങ്ങ​ൾ​ക്കു​ള്ളി​ൽ പ​രാ​തി വ​ന്നു. മാ​താ​പി​താ​ക്ക​ളു​മാ​യി വ​ള​രെ സ്നേ​ഹ​ത്തി​ലും അ​ടു​പ്പ​ത്തി​ലും ക​ഴി​ഞ്ഞി​രു​ന്ന കു​ട്ടി​ക​ളെ​യും കാ​ണാ​താ​യ​തോ​ടെ എ​ല്ലാ​വ​രും ഉ​റ​പ്പി​ച്ചു, കു​ട്ടി​ക​ൾ നാ​ടു​വി​ട്ടു പോ​കു​ന്ന​ല്ല, ഇ​തി​നു പി​ന്നി​ൽ ഇ​നി​യും പു​റ​ത്തു​വ​രാ​ത്ത എ​ന്തോ ഒ​രു ദു​രൂ​ഹ​ത​യു​ണ്ട്.

നാ​നാ​വ​ശ​ത്തു​നി​ന്നും അ​ധി​കാ​രി​ക​ളി​ൽ​നി​ന്നും സ​മ്മ​ർ​ദം ശ​ക്ത​മാ​യ​തോ​ടെ പോ​ലീ​സും അ​ന്വേ​ഷ​ണം ത്വ​രി​ത​പ്പെ​ടു​ത്തി. ന​ഷ്ട​മാ​യ മ​ക്ക​ൾ എ​ന്നെ​ങ്കി​ലും തി​രി​കെ വ​രു​മെ​ന്ന പ്ര​തീ​ക്ഷ​യി​ൽ കാ​ത്തി​രി​ക്കു​ക​യാ​യി​രു​ന്നു ഗ്രാ​മ​വാ​സി​ക​ളി​ൽ പ​ല​രും.

ത​ല​യോ​ട്ടി​ക​ളും അ​സ്ഥി​ക​ളും

അ​ങ്ങ​നെ​യി​രി​ക്കെ ഗ്രാ​മ​വാ​സി​ക​ളെ ഞെ​ട്ടി​ച്ചു​കൊ​ണ്ട് ഒ​രു വാ​ർ​ത്ത. നി​ഥാ​രി​യി​ലെ മു​നി​സി​പ്പി​ലാ​റ്റി വാ​ട്ട​ർ ടാ​ങ്കി​നു സ​മീ​പ​ത്തു​നി​ന്നു കു​റെ ത​ല​യോ​ട്ടി​ക​ളും അ​സ്ഥി​ക​ളും മ​റ്റു​മൊ​ക്കെ ക​ണ്ടെ​ത്തി. കേ​ട്ട​വ​ർ കേ​ട്ട​വ​ർ അ​വി​ടേ​ക്കു പാ​ഞ്ഞു. കു​ട്ടി​ക​ളെ ന​ഷ്ട​മാ​യ കു​ടും​ബ​ങ്ങ​ളു​ടെ നെ​ഞ്ചി​ൽ തീ​ക്ക​ന​ൽ​പോ​ലെ​യാ​ണ് ആ ​വാ​ർ​ത്ത വ​ന്നു പ​തി​ച്ച​ത്.

പോ​ലീ​സ് ഇ​ര​ച്ചെ​ത്തി, വ​ൻ സ​ന്നാ​ഹ​ങ്ങ​ളും. ആ​ശ​ങ്ക​യു​ടെ​യും അ​ട​ക്കം പ​റ​ച്ചി​ലു​ക​ളു​ടെ​യും ഇ​ട​യി​ൽ 17 മൃ​ത​ദേ​ഹ​ങ്ങ​ളു​ടെ അ​വ​ശി​ഷ്ട​ങ്ങ​ൾ അ​വി​ടെ​നി​ന്നു ക​ണ്ടെ​ടു​ത്തു.

നോ​യി​ഡ സെ​ക്ട​ർ 31ലെ ​മൊ​ഹീ​ന്ദ​ർ സിം​ഗ് പാ​ന്ഥ​റു​ടെ വീ​ടി​നു പി​ന്നി​ലു​ള്ള വാ​ട്ട​ർ ടാ​ങ്കി​നു സ​മീ​പ​ത്തു​നി​ന്നു​മാ​ണ് മൃ​ത​ദേ​ഹ അ​വ​ശി​ഷ്ട​ങ്ങ​ൾ ക​ണ്ടെ​ത്തി​യ​ത്. ഇ​തോ​ടെ വാ​ർ​ത്ത വ​ൻ പ്ര​ധാ​ന്യം നേ​ടി. ദേ​ശീ​യ മാ​ധ്യ​മ​ങ്ങ​ള​ട​ക്കം അ​വി​ടേ​ക്കു കു​തി​ച്ചെ​ത്തി.

ആ​രാ​ണ് മ​രി​ച്ച​വ​ർ? കൊ​ന്ന​താ​ണോ? പ​ഴ​യ കൂ​ട്ട​ക്കു​ഴി​മാ​ട​മാ​ണോ? എ​ന്നി​ങ്ങ​നെ​യു​ള്ള ചോ​ദ്യ​ങ്ങ​ളും അ​ന്വേ​ഷ​ണ​ങ്ങ​ളും ത​കൃ​തി​യാ​യി.

(തുടരും)