ചരിത്രം തിരയാൻ ഇവർ… ദ്വാ​ര​ക ന​ഗ​ര​ത്തി​ന്‍റെ ര​ഹ​സ്യ​ങ്ങ​ൾ തേ​ടി ക​ട​ലി​ൽ പ​ര്യ​വേ​ക്ഷ​ണം

നാ​ലാ​യി​രം വ​ർ​ഷം പ​ഴ​ക്ക​മു​ണ്ടെ​ന്നു ക​രു​തു​ന്ന പു​രാ​ത​ന​ന​ഗ​ര​മാ​യ ദ്വാ​ര​ക​യു​ടെ നി​ഗൂ​ഢ​ത​ക​ൾ അ​നാ​വ​ര​ണം ചെ​യ്യു​ക എ​ന്ന ല​ക്ഷ്യ​ത്തോ​ടെ ആ​ർ​ക്കി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ (എ​എ​സ്ഐ) വീ​ണ്ടും പ​ര്യ​വേ​ക്ഷ​ണം തു​ട​ങ്ങി. ഗു​ജ​റാ​ത്ത് തീ​ര​ത്ത് ക​ട​ലി​ന​ടി​യി​ൽ ന​ട​ക്കു​ന്ന ഈ ​പ​ര്യ​വേ​ക്ഷ​ണം, ഇ​ന്ത്യ​യു​ടെ സ​മ്പ​ന്ന​മാ​യ സാം​സ്കാ​രി​ക പൈ​തൃ​കം പ​ഠി​ക്കാ​നും സം​ര​ക്ഷി​ക്കാ​നു​മു​ള്ള ദൗ​ത്യ​ത്തി​ന്‍റെ ഭാ​ഗ​മാ​ണ്.

ഹി​ന്ദു​പു​രാ​ണ​ങ്ങ​ളി​ലെ സ​പ്ത​പു​രി​ക​ളി​ൽ ഒ​ന്നാ​യ ദ്വാ​ര​ക, ഭ​ഗ​വാ​ൻ കൃ​ഷ്ണ​ൻ ക​ട​ലി​ൽ​നി​ന്നു വീ​ണ്ടെ​ടു​ത്ത​താ​ണെ​ന്നു വി​ശ്വ​സി​ക്ക​പ്പെ​ടു​ന്നു. കൃ​ഷ്ണ​ന്‍റെ കാ​ല​ശേ​ഷം ക​ലി​യു​ഗ​ത്തി​നു തു​ട​ക്ക​മി​ട്ടു​കൊ​ണ്ട് ന​ഗ​രം അ​റ​ബി​ക്ക​ട​ലി​ൽ മു​ങ്ങി​യെ​ന്നാ​ണു ഐ​തി​ഹ്യം. 2005 നും 2007 ​നും ഇ​ട​യി​ൽ ദ്വാ​ര​ക​യി​ലും ഓ​ഖ തീ​ര​ത്ത് സ്ഥി​തി ചെ​യ്യു​ന്ന ബെ​റ്റ് ദ്വാ​ര​ക​യി​ലും (ബെ​റ്റ് ദ്വാ​ര​ക) പ​ര്യ​വേ​ക്ഷ​ണം ന​ട​ത്തി​യി​രു​ന്നു. അ​ന്ന് ശി​ൽ​പ്പ​ങ്ങ​ളും ശി​ലാ​ന​ങ്കൂ​ര​ങ്ങ​ളും ക​ണ്ടെ​ത്താ​ൻ ക​ഴി​ഞ്ഞു. ര​ണ്ടു പ​തി​റ്റാ​ണ്ടി​നു​ശേ​ഷ​മാ​ണു വീ​ണ്ടും പ​ര്യ​വേ​ക്ഷ​ണം ന​ട​ത്തു​ന്ന​ത്.

എ​എ​സ്ഐ​യു​ടെ അ​ണ്ട​ർ​വാ​ട്ട​ർ ആ​ർ​ക്കി​യോ​ള​ജി വിം​ഗി​ന്‍റെ (യു​എ​ഡ​ബ്ല്യു) നേ​തൃ​ത്വ​ത്തി​ലു​ള്ള അ​ഞ്ചം​ഗ​സം​ഘ​ത്തി​ൽ മൂ​ന്നു പേ​രും വ​നി​ത​ക​ളാ​ണെ​ന്നു സാം​സ്കാ​രി​ക മ​ന്ത്രാ​ല​യം പു​റ​ത്തി​റ​ക്കി​യ പ​ത്ര​ക്കു​റി​പ്പി​ൽ പ​റ​യു​ന്നു. അ​ഡീ​ഷ​ണ​ൽ ഡ​യ​റ​ക്ട​ർ ജ​ന​റ​ൽ (ആ​ർ​ക്കി​യോ​ള​ജി) പ്ര​ഫ. അ​ലോ​ക് ത്രി​പാ​ഠി ആ​ണു സ​മു​ദ്രാ​ന്ത​ര സം​ഘ​ത്തി​ന്‍റെ ത​ല​വ​ൻ.