![](https://www.rashtradeepika.com/library/uploads/2020/03/greek.png)
ലോകം മുഴുവന് കൊറോണ ഭീതിയില് വീടുകളിലേക്ക് ഒതുങ്ങുകയാണ്. ഈ സമയത്ത് വീടിനുള്ളില് ഒതുക്കപ്പെടുന്നതിന്റെ സമ്മര്ദ്ദം മാറ്റാന് പലരും പല പല വിനോദങ്ങളില് ഏര്പ്പെടുന്നതിന്റെ വീഡിയോകളാണ് ഇപ്പോള് സോഷ്യല് മീഡിയ മുഴുവന്.
ബോളിവുഡ് ഹിറ്റ് ഗാനത്തിന് ചുവടുവച്ച് കൊറോണ പേടിയില് നിന്ന് മുക്തി കണ്ടെത്താന് ശ്രമിക്കുന്ന കാതറിന കൊറോസിഡോ എന്ന ഗ്രീക്ക് യുവതിയുടെ വിഡിയോയാണ് സോഷ്യല് മീഡിയയില് വൈറലാകുന്നത്.
മാധുരി ദീക്ഷിത്ത് അനശ്വരമാക്കിയ ‘എക്ക് ദോ തീന്’ എന്ന ഹിറ്റ് ഗാനത്തിനാണ് കാതറിന ചുവടുവച്ചിരിക്കുന്നത്.
മാധുരി ദീക്ഷിത്തിന്റെ ആരാധിക കൂടിയായ കാതറീനയുടെ നൃത്തത്തിന് നിരവധി ആരാധകരാണ് ഇതിനോടകം ഉണ്ടായത്.
2600ലധികം ലൈക്കും 800ന് മുകളില് റീട്വീറ്റും കാതറീനയുടെ ഈ വിഡിയോയ്ക്ക് ലഭിച്ചു. മാധുരിയുടെ കൂടുതല് ഗാനങ്ങള്ക്ക് ചുവടുവയ്ക്കണമെന്നാണ് കമന്റുകളില് പലരും കുറിയ്ക്കുന്നത്.