ചോ​ദ്യം ചെ​യ്യ​ലി​നോ​ട്  സ​ഹ​ക​രി​ക്കാ​തെ ഷാ​ഫി; ലൈ​ല​യും ഭ​ഗ​വ​ൽ സിം​ഗും എന്തോ മറച്ചു വയ്ക്കുന്നെന്ന് പോലീസ്

കൊച്ചി: ഇലന്തൂർ നരബലിക്കേസിൽ മു​ഖ്യ​പ്ര​തി​യാ​യ ഷാ​ഫി ചോ​ദ്യം ചെ​യ്യ​ലു​മാ​യി തീ​രെ സ​ഹ​ക​രി​ക്കു​ന്നി​ല്ലെ​ന്നാ​ണ് അ​ന്വേ​ഷ​ണ സം​ഘം ന​ൽ​കു​ന്ന വി​വ​രം.

അ​തേ​സ​മ​യം ലൈ​ല​യേ​യും ഭ​ഗ​വ​ൽ സിം​ഗി​നേ​യും മാ​റി മാ​റി ചോ​ദ്യം ചെ​യ്ത​തി​ൽ വി​വ​ര​ങ്ങ​ൾ ശേ​ഖ​രി​ച്ച​പ്പോ​ൾ ധാ​രാ​ളം പൊ​രു​ത്ത​ക്കേ​ടു​ക​ളു​ണ്ടെ​ന്നും പോ​ലീ​സ് വ്യ​ക്ത​മാ​ക്കു​ന്നു.

മ​റ്റാ​രെ​യെ​ങ്കി​ലും ന​ര​ബ​ലി ന​ട​ത്തി​യ​താ​യി ഇ​വ​ർ പ​റ​യു​ന്നി​ല്ലെ​ങ്കി​ലും ഇ​വ​ർ എ​ന്തോ മ​റ​ച്ചു​വ​യ്ക്കു​ന്നു​വെ​ന്ന സം​ശ​യ​ത്തി​ലാ​ണ് പോ​ലീസ് വി​ശ​ദ​മാ​യ പ​രി​ശോ​ധ​ന​യ്ക്ക് ഒ​രു​ങ്ങു​ന്ന​ത്.

ഷാ​ഫി​യു​ടെ സാ​ന്പ​ത്തി​ക ഇ​ട​പാ​ടു​ക​ളി​ലും അ​ന്വേ​ഷ​ണം
കൊച്ചി: ഷാ​ഫി​യു​ടെ ഗാ​ന്ധി​ന​ഗ​റി​ലു​ള്ള വീ​ട്ടി​ൽ അ​ന്വേ​ഷ​ണ സം​ഘം ഇ​ന്ന​ലെ പ​രി​ശോ​ധ​ന ന​ട​ത്തി​യി​രു​ന്നു. ഇ​വി​ടെ​നി​ന്ന് ഷാ​ഫി​യു​ടെ സാ​ന്പ​ത്തി​ക ഇ​ട​പാ​ടു​ക​ളെ​ക്കു​റി​ച്ചു​ള്ള രേ​ഖ​ക​ൾ പോ​ലീ​സ് ക​ണ്ടെ​ടു​ത്തി​രു​ന്നു.

ന​ര​ബ​ലി​ക്കി​ര​യാ​യ റോ​സി​ലി, പ​ത്മ എ​ന്നി​വ​രു​ടെ മൃ​ത​ദേ​ഹ​ത്തി​ൽ​നി​ന്നു മു​ഹ​മ്മ​ദ് ഷാ​ഫി ഊ​രി​യെ​ടു​ത്ത സ്വ​ർ​ണാ​ഭ​ര​ണ​ങ്ങ​ൾ പ​ണ​യം വ​ച്ച​തി​ന്‍റെ ര​സീ​തു​ക​ളാ​യി​രു​ന്നു അ​വ.

ഷാ​ഫി​യു​ടെ വീ​ട്ടി​ൽ ന​ട​ന്ന പ​രി​ശോ​ധ​ന​ക്കൊ​പ്പം ഭാ​ര്യ, മ​ക്ക​ൾ എ​ന്നി​വ​രി​ൽ​നി​ന്നും അ​ന്വേ​ഷ​ണ സം​ഘം മൊ​ഴി​യെ​ടു​ത്തു. നാ​ൽ​പ​തി​നാ​യി​രം രൂ​പ ഷാ​ഫി ന​ൽ​കി​യ​താ​യി ഭാ​ര്യ​യും പോ​ലീ​സി​നോ​ട് സ​മ്മ​തി​ച്ചു.

വ​ണ്ടി വി​റ്റ് കി​ട്ടി​യ പ​ണം എ​ന്നാ​ണ് ഷാ​ഫി വീ​ട്ടി​ൽ പ​റ​ഞ്ഞി​രു​ന്ന​ത്. ആ ​പ​ണം കൊ​ണ്ട് പ​ണ​യം വ​ച്ച സ്വ​ർ​ണം എ​ടു​ത്തു എ​ന്നും ഇ​വ​ർ മൊ​ഴി ന​ൽ​കി.

സ്ത്രീ​ക​ളെ ഇ​ല​ന്തൂ​രി​ലെ​ത്തി​ച്ച സ്കോ​ർ​പ്പി​യോ കാ​റി​ന് പു​റ​മേ ഷാ​ഫി ഒ​രു ജീ​പ്പ് ഉ​പ​യോ​ഗി​ച്ചി​രു​ന്ന​താ​യും ക​ണ്ടെ​ത്തി. എ​ന്നാ​ൽ അ​ത് ഷാ​ഫി​യു​ടെ പേ​രി​ലു​ള്ള​ത​ല്ല.

ഇ​തി​ന്‍റെ ഉ​ട​മ​സ്ഥ​നെ ക​ണ്ടെ​ത്താ​നു​ള്ള ശ്ര​മ​വും പോ​ലീ​സ് ആ​രം​ഭി​ച്ചി​ട്ടു​ണ്ട്. കൊ​ല്ല​പ്പെ​ട്ട പ​ത്മ​യു​ടെ ആ​ഭ​ര​ണ​ങ്ങ​ൾ ഷാ​ഫി വീ​ടി​നു സ​മീ​പ​ത്തെ ധ​ന​കാ​ര്യ സ്ഥാ​പ​ന​ത്തി​ൽ പ​ണ​യം വെ​ച്ച​താ​യി പോ​ലീ​സ് ക​ണ്ടെ​ത്തി​യി​രു​ന്നു.

ആ ​പ​ണ​ത്തി​ന്‍റെ ഒ​രു വി​ഹി​തം ഭാ​ര്യ​ക്ക് ന​ൽ​കി​യെ​ന്നാ​ണ് മൊ​ഴി ന​ൽ​കി​യി​രി​ക്കു​ന്ന​ത്. പ​ത്മ​യു​ടെ കൈ​യി​ൽ ആ​റു​പ​വ​നോ​ളം സ്വ​ർ​ണാ​ഭ​ര​ണ​ങ്ങ​ൾ ഉ​ണ്ടാ​യി​രു​ന്ന​താ​യി സ​ഹോ​ദ​രി പ​ഴ​നി​യ​മ്മ വെ​ളി​പ്പെ​ടു​ത്തി​യി​രു​ന്നു.