ആലുവ: സിപിഐ മാർച്ചിനിടെയുണ്ടായ പോലീസ് ലാത്തിച്ചാർജിൽ എൽദോ എബ്രഹാം എംഎൽഎയുടെ കൈ ഒടിഞ്ഞിട്ടില്ലെന്ന് മെഡിക്കൽ റിപ്പോർട്ട്. റിപ്പോർട്ട് മെഡിക്കൽ സംഘം കളക്ടർക്കു കൈമാറി. ലാത്തിച്ചാർജിൽ എംഎൽഎയ്ക്കു പരിക്കേറ്റതായും റിപ്പോർട്ടിലുണ്ട്.
അതേസമയം എംഎൽഎയുടെ പരിക്ക് വ്യാജമാണെന്ന് പോലീസ് വ്യക്തമാക്കി. എംഎൽഎയുടെ കൈയ്ക്കു പരിക്കേറ്റതിൽ അന്വേഷണം വേണമെന്നും പോലീസ് ആവശ്യപ്പെട്ടു. ജില്ലാ കളക്ടറാണ് ലാത്തിച്ചാർജിനെ സംബന്ധിച്ച് അന്വേഷണം നടത്തുന്നത്. അന്വേഷണം സംബന്ധിച്ച റിപ്പോർട്ട് കളക്ടർ 29ന് മുഖ്യമന്ത്രിക്കു കൈമാറും.
ലാത്തിച്ചാർജിനിടെ കൈയൊടിഞ്ഞുവെന്നായിരുന്നു എംഎൽഎയുടെ വിശദീകരണം.
