ന്യൂഡൽഹി: ലോക്സഭയിലേക്കുള്ള ആദ്യഘട്ട വോട്ടെടുപ്പിന്റെ വിജ്ഞാപനം പുറത്തിറങ്ങി. 91 ലോക്സഭാ മണ്ഡലങ്ങളിലേക്കും മൂന്നു നിയമസഭകളിലേക്കുമുള്ള തെരഞ്ഞെടുപ്പ് വിജ്ഞാപനമാണ് പുറപ്പെടുവിച്ചത്.
ആന്ധ്രാപ്രദേശ്, അരുണാചൽ പ്രദേശ്, സിക്കിം നിയമസഭാ തെരഞ്ഞെടുപ്പുകളുടെ വിജ്ഞാപനവും ഇറങ്ങി. നാമനിർദേശം സമർപ്പിക്കാനുളള അവസാനതീയതി മാർച്ച് ഇരുപത്തിയാറാണ്. പിൻവലിക്കാനുളള തീയതി ഇരുപത്തിയെട്ടും. മേയ് 23-നാണ് വോട്ടെണ്ണൽ.
20 സംസ്ഥാനങ്ങളിലെയും കേന്ദ്രഭരണപ്രദേശങ്ങളിലെയും 91 ലോക്സഭാ സീറ്റുകളിലാണ് അടുത്ത മാസം 11-ന് ആദ്യ ഘട്ടത്തിൽ പോളിംഗ് നടക്കുക. കേരളത്തിൽ ഏപ്രിൽ 23-നാണ് തെരഞ്ഞെടുപ്പ്.
