തിരുവനന്തപുരം: തെരഞ്ഞെടുപ്പ് ഫലം കോണ്ഗ്രസിന്റെ വസന്തകാലത്തിലേക്കുള്ള തിരിച്ച് വരവായാണ് കാണുന്നതെന്ന് പ്രതിപക്ഷ നേതാവ് രമേശ് ചെന്നിത്തല. ജനങ്ങളെ കോണ്ഗ്രസിലേക്ക് കൂടുതൽ അടുക്കുന്നുവെന്നതിന്‍റെ സൂചനയാണ് ഈ തെരഞ്ഞെടുപ്പ് ഫലത്തിലൂടെ പുറത്ത് വരുന്നതെന്ന് അദ്ദേഹം വ്യക്തമാക്കി.
രാഹുൽ ഗാന്ധിയുടെ നേതൃത്വം ജനങ്ങൾ അംഗീകരിക്കുന്നതിന്‍റെ വിജയമാണ് തെരഞ്ഞെടുപ്പ് ഫലമെന്നും അദ്ദേഹം പറഞ്ഞു. കോണ്ഗ്രസിന്റെ നേതൃത്വത്തിൽ പ്രതിപക്ഷം ശക്തിയാർജിക്കുന്നതിന്‍റെ തെളിവാണ് പ്രകടമാകുന്നത്. മാധ്യമ പ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്.
