തൃശൂർ ജില്ലയിൽ വോ​ട്ടേ​ഴ്സ് ലി​സ്റ്റി​ൽ പേ​രി​ല്ലാതെ ഒ​രു ല​ക്ഷ​ത്തി​ല​ധി​കം യു​വാ​ക്കൾ; വോട്ടർമാരാക്കൻ പ്രത്യേക പ്രചരണ പരിപാടി സംഘടിപ്പിക്കും

തൃ​ശൂ​ർ: വോ​ട്ടേ​ഴ്സ് ലി​സ്റ്റി​ൽ പേ​രു ചേ​ർ​ക്കാ​തെ പ​കു​തി​യോ​ളം യു​വാ​ക്ക​ൾ ജി​ല്ല​യി​ലു​ണ്ടെ​ന്നു ക​ള​ക്ട​ർ ഡോ. എ.​കൗ​ശി​ഗ​ൻ പ​റ​ഞ്ഞു. ജി​ല്ല​യി​ൽ 18,19 പ്രാ​യ​മു​ള്ള 3.66 ല​ക്ഷം യു​വാ​ക്ക​ളു​ള്ള​തി​ൽ 1.16 ല​ക്ഷം പേ​ർ ഇ​പ്പോ​ഴും വോ​ട്ടേ​ഴ്സ് ലി​സ്റ്റി​ൽ പേ​രു​ള്ള​വ​ര​ല്ല. ഇ​വ​രെ വോ​ട്ടേ​ഴ്സ് ലി​സ്റ്റി​ൽ  ഉ​ൾ​പ്പെ​ടു​ത്തു​ന്ന​തി​നാ​യി ജൂ​ലൈ ഒ​ന്നു മു​ത​ൽ 31 വ​രെ ഒ​രു മാ​സം പ്ര​ത്യേ​ക പ്ര​ച​ാര​ണ പ​രി​പാ​ടി ന​ട​ത്തു​മെ​ന്നു ക​ള​ക്ട​ർ പ​ത്ര​സ​മ്മേ​ള​ന​ത്തി​ൽ വ്യ​ക്ത​മാ​ക്കി.

18,19 വ​യ​സു​ള്ള​വ​ർ​ക്കു പു​തി​യ​താ​യും, 18-21 പ്രാ​യ​മു​ള്ള​വരിൽ ഇ​നി​യും വോ​ട്ട​ർപ​ട്ടി​ക​യി​ൽ പേ​രു ചേ​ർ​ക്കാ​ൻ വി​ട്ടുപോ​യി​ട്ടു​ള്ള​വ​ർ​ക്കും ഈ ​കാ​ല​യ​ള​വി​ൽ പേ​രു ചേ​ർ​ക്കാം. ഓ​ണ്‍​ലൈ​ൻ വ​ഴി​യും അ​ക്ഷ​യ കേ​ന്ദ്ര​ങ്ങ​ൾ വ​ഴി​യും ഇ​തി​നു സൗ​ക​ര്യ​മു​ണ്ടാ​യി​രി​ക്കും.

പ്ര​ചാ​ര​ണ പ​രി​പാ​ടി​ക്ക് മു​ന്നോ​ടി​യാ​യി ഈ ​മാ​സം ഏ​ഴി​ന് രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ളു​ടെ യോ​ഗം വി​ളി​ക്കും.  ജൂ​ലൈ എ​ട്ടി​നും 22നും ​പ്ര​ത്യേ​ക കാ​ന്പ​യി​നും സം​ഘ​ടി​പ്പി​ക്കും. ബി​എ​ൽ​ഒ​മാ​ർ വീ​ടു​ക​ളി​ലെ​ത്തി വോ​ട്ട​ർപ​ട്ടി​ക​യി​ൽ പേ​രു ചേ​ർ​ക്കു​ന്ന​തി​നു​ള്ള വി​വ​ര​ങ്ങ​ൾ ശേ​ഖ​രി​ക്കും. 2017 ജ​നു​വ​രി ഒ​ന്ന് ക​ണ​ക്കാ​ക്കി 18 വ​യ​സ് തി​ക​ഞ്ഞ​വ​ർ​ക്കു വോ​ട്ട​ർപ​ട്ടി​ക​യി​ൽ പേ​രു ചേ​ർ​ക്കാ​വു​ന്ന​താ​ണ്. പ​ത്ര​സ​മ്മേ​ള​ന​ത്തി​ൽ ഇ​ല​ക്ഷ​ൻ ഡെ​പ്യൂ​ട്ടി ക​ള​ക്ട​ർ സി.​ല​തി​ക​യും പ​ങ്കെ​ടു​ത്തു. ട്