ച​ങ്ങ​നാ​ശേ​രി​യി​ൽ വൈ​ദ്യു​തി പോ​സ്റ്റി​ലെ എ​ൽ​ടി ബോ​ക്സു​ക​ൾ ക​ത്തു​ന്നു; ആശ​ങ്ക‍യോടെ വ്യാപാരികളും കാൽനടയാത്രക്കാരും

ച​ങ്ങ​നാ​ശേ​രി: ന​ഗ​ര​ത്തി​ലും സ​മീ​പ പ്ര​ദേ​ശ​ങ്ങ​ളി​ലും വൈ​ദ്യു​തി പോ​സ്റ്റു​ക​ളി​ൽ സ്ഥാ​പി​ച്ചി​രി​ക്കു​ന്ന ലോ​ടെ​ൻ​ഷ​ൻ ബോ​ക്സു​ക​ൾ ക​ത്തു​ന്ന​ത് ആ​ശ​ങ്ക​ക്കി​ട​യാ​ക്കു​ന്നു. ഇ​ന്ന​ലെ വൈ​കു​ന്നേ​രം ന​ഗ​ര​മ​ധ്യ​ത്തി​ലെ കാ​വാ​ലം ​ബ​സാ​ർ റോ​ഡി​ൽ പോ​സ്റ്റി​ലെ എ​ൽ​ടി ബോ​ക്സി​ൽ തീ​പ​ട​ർ​ന്ന​ത് വ്യാ​പാ​രി​കളെയും യാ​ത്രികരെയും പ​രി​ഭ്രാ​ന്ത​രാ​ക്കി.

ഫ​യ​ർ​ഫോ​ഴ്സ് എ​ത്തി​യാ​ണ് തീ​യ​ണ​ച്ച​ത്. ഒ​ര​മാ​സം മു​ന്പ് ഒ​രേ​ദി​വ​സം ഒ​ന്നാം​ന​ന്പ​ർ ബ​സ് സ്റ്റാ​ൻ​ഡി​നു മു​ന്പി​ലും അ​പ്സ​ര തിയ​റ്റ​റി​നു സ​മീ​പ​വും പോ​സ്റ്റി​ൽ തീ​പി​ടിത്തം സം​ഭ​വി​ച്ചി​രു​ന്നു. ഗു​ണ​നി​ല​വാ​ര​മി​ല്ലാ​ത്ത ബോ​ക്സു​ക​ൾ സ്ഥാ​പി​ച്ച​തു കാരണമാണ് ഇ​വ ക​ത്തി ന​ശി​ക്കുന്നതെന്നു ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ന​ഗ​ര​ത്തി​ൽ ന​ട​പ്പാ​ക്കി​വ​രു​ന്ന ആ​ർ​എ​പി​ഡി​ആ​ർ​പി​ഡി പ​ദ്ധ​തി​ക്കാ​യി എബി കേ​ബി​ൾ സ്ഥാ​പി​ച്ച​തു​മാ​യി ബ​ന്ധ​പ്പെ​ട്ട് മൂ​ന്നു​വ​ർ​ഷം മു​ന്പാ​ണ് വൈ​ദ്യു​തി പോ​സ്റ്റു​ക​ളി​ൽ ലോ​ടെ​ൻ​ഷ​ൻ വി​ത​ര​ണ ബോ​ക്സു​ക​ൾ സ്ഥാ​പി​ച്ച​ത്. ന​ഗ​ര​പരി​ധി​യി​ൽ ഇ​ത്ത​രം ആ​യി​ര​ത്തോ​ളം ബോ​ക്സു​ക​ളാ​ണ് സ്ഥാ​പി​ച്ചി​രി​ക്കു​ന്ന​ത്.

എ​ബി കേ​ബി​ളു​ക​ൾ ചാ​ർ​ജ് ചെ​യ്തു തു​ട​ങ്ങി​യ​തോ​ടെ​യാ​ണ് ബോ​ക്സു​ക​ൾ ക​ത്തി ന​ശി​ക്കാ​ൻ തു​ട​ങ്ങി​യ​ത്. ക​ഴി​ഞ്ഞ ഒ​രു​വ​ർ​ഷ​ത്തി​നി​ട​യി​ൽ ന​ഗ​ര​ത്തി​ലെ പോ​സ്റ്റു​ക​ളി​ൽ സ്ഥാ​പി​ച്ചി​രു​ന്ന നൂ​റി​ലേ​റെ എ​ൽ​ടി ബോ​ക്സു​ക​ൾ ക​ത്തി ന​ശി​ച്ച​താ​യാ​ണ് വൈ​ദ്യു​തി വ​കു​പ്പി​ന്‍റെ ക​ണ​ക്ക്.

വൈ​ദ്യു​തി വ​കു​പ്പ് കു​റ​ഞ്ഞ നി​ര​ക്കി​ലു​ള്ള കൊ​ട്ടേ​ഷ​ൻ പ്ര​കാ​രം ഗു​ണ​നി​ല​വാ​രം കു​റ​ഞ്ഞ എ​ൽ​ടി ബോ​ക്സു​ക​ൾ വാ​ങ്ങി സ്ഥാ​പി​ച്ച​താ​ണ് ലോ​ഡ് കൂ​ടു​ന്പോ​ൾ ക​ത്തി​ന​ശി​ക്കു​ന്ന​തി​നു കാ​ര​ണ​മാ​യി പ​റ​യു​ന്ന​ത്. എ​ൽ​ടി ബോ​ക്സു​ക​ൾ ക​ത്തി ന​ശി​ക്കു​ന്ന​ത് ന​ഗ​ര​ത്തി​ലെ എ​ബി കേ​ബി​ളിം​ഗ് ജോ​ലി​ക​ളെ ദോ​ഷ​ക​ര​മാ​യി ബാ​ധി​ച്ചി​ട്ടു​ണ്ട്.

ഓ​രോ തീ​പി​ടിത്ത​ത്തി​നും ഓ​ടി​യെ​ത്തേ​ണ്ടി​വ​രു​ന്ന​ത് ഫ​യ​ർ​ഫോ​ഴ്സി​ന് ഏ​റെ ബു​ദ്ധി​മു​​ട്ടി​നി​ട​യാ​ക്കു​ന്നു​ണ്ട്. ഗു​ണ​നി​ല​വാ​രം കു​റ​ഞ്ഞ എ​ൽ​ടി ബോ​ക്സു​ക​ൾ മാ​റ്റി പു​തി​യ​വ സ്ഥാ​പി​ക്കു​ന്ന​തി​നെ​ക്കു​റി​ച്ച് ച​ങ്ങ​നാ​ശേ​രി​യി​ലെ വൈ​ദ്യു​തി​വ​കു​പ്പ് അ​ധി​കൃ​ത​ർ ആ​ലോ​ചി​ച്ചു​വ​രി​ക​യാ​ണ്.ക