വടക്കഞ്ചേരി: കിഴക്കഞ്ചേരി കണിയമംഗലത്തെ വൈദ്യുതി പോസ്റ്റുകൾക്ക് പെരുത്ത് പണിയാണ്. മറ്റിടങ്ങളിലെല്ലാം ഇരുദിശകളിലേക്കുമുള്ള കന്പികൾ താങ്ങിനിർത്തുന്ന പണിയാണെങ്കിൽ കണിയമംഗലത്തെ വൈദ്യുതി പോസ്റ്റുകൾക്ക് സമീപത്തെ വള്ളിപടർപ്പുകളെയും താങ്ങി വളർത്തണം.
പോസ്റ്റിലും സ്റ്റേ കന്പിയിലുമെല്ലാം വള്ളിചെടികൾ പിടിമുറുക്കി ഞെരിക്കുന്നുണ്ടെങ്കിലും പോസ്റ്റുകൾ വൈദ്യുതി കടത്തിവിടുന്ന തങ്ങളുടെ ജോലി കൃത്യമായി ചെയ്യുന്നുണ്ട്.
ഇതുകൊണ്ടാകണം വൈദ്യുതി ജീവനക്കാരോ നാട്ടുകാരോ ഇതൊന്നും കാണാത്തത്. വള്ളിത്തലകൾ അതിക്രമിച്ചു കയറി വൈദ്യുതി പ്രവാഹം കൂടുതലുള്ള ഭാഗങ്ങളിലേക്കും എത്തുന്നു. ഇത് വൈദ്യുതി വിതരണത്തെ ബാധിക്കുമോയെന്ന ആശങ്കയാണിപ്പോൾ.
