വി​രു​ദ ന​ഗ​ർ-​ചെ​ങ്കോ​ട്ട സെ​ക്ഷ​നി​ൽ ഇ​ല​ക്ടി​ക് ട്രെയി​നു​ക​ൾ ആ​രം​ഭി​ക്കു​ന്നു; ആ​ദ്യ സ​ർ​വീ​സ് നാ​ളെ മു​ത​ൽ

എ​സ്.​ആ​ർ.​ സു​ധീ​ർ കു​മാ​ർ
കൊ​ല്ലം: ത​മി​ഴ്നാ​ട്ടി​ലെ വി​രു​ദ ന​ഗ​ർ-​തെ​ങ്കാ​ശി – ചെ​ങ്കോ​ട്ട സെ​ക്ഷ​നു​ക​ളി​ൽ ഇ​ല​ക്ട്രി​ക് ട്രെ​യി​നു​ക​ൾ ഓ​ടി​ക്കാ​ൻ റെ​യി​ൽ​വേ തീ​രു​മാ​നം. ഈ ​റൂ​ട്ടി​ൽ വൈ​ദ്യു​തീ​ക​ര​ണം പൂ​ർ​ത്തി​യാ​യ സാ​ഹ​ച​ര്യ​ത്തി​ലാ​ണ് ന​ട​പ​ടി. ആ​ദ്യ സ​ർ​വീ​സ് നാ​ളെ ആ​രം​ഭി​ക്കും.

ചെ​ന്നൈ എ​ഗ്മോ​ർ-ചെ​ങ്കോ​ട്ട എ​ക്സ്പ്ര​സ് ആ​ണ് ആ​ദ്യ സ​ർ​വീ​സ് ന​ട​ത്തു​ക. ഈ ​വ​ണ്ടി തി​രി​കെ ന​വം​ബ​ർ ഒ​ന്നു മു​ത​ലും ഓ​ടി​ത്തു​ട​ങ്ങും. ചെ​ന്നെ എ​ഗ്മോ​ർ -ചെ​ങ്കോ​ട്ട ശി​ല​മ്പ് എ​ക്സ്പ്ര​സാ​ണ് വൈ​ദ്യു​തി ലൈ​നി​ലെ ര​ണ്ടാം ട്രെ​യി​ൻ. ഇ​തും ന​വം​ബ​ർ ഒ​ന്നി​ന് ആ​രം​ഭി​ക്കും.

തി​രി​കെ​യു​ള്ള സ​ർ​വീ​സ് മൂ​ന്നി​നും ഓ​ട്ടം തു​ട​ങ്ങും. മ​യി​ലാ​ടും​തു​റ -ചെ​ങ്കോ​ട്ട എ​ക്സ്പ്ര​സാ​ണ് മൂ​ന്നാ​മ​ത്തെ സ​ർ​വീ​സ്. ഇ​തും ന​വം​ബ​ർ ഒ​ന്നി​ന് സ​ർ​വീ​സ് ആ​രം​ഭി​ക്കും. തി​രി​ച്ചു​ള്ള സ​ർ​വീ​സ് ന​വം​ബ​ർ ര​ണ്ടി​നും തു​ട​ങ്ങും.

ഈ ​മൂ​ന്ന് വ​ണ്ടി​ക​ളും വൈ​ദ്യു​തി ലൈ​നി​ൽ ഓ​ടി​ത്തു​ട​ങ്ങു​മ്പോ​ൾ അ​തി​ന്റെ കൂ​ടു​ത​ൽ പ്ര​യോ​ജ​നം ല​ഭി​ക്കു​ന്ന​ത് കേ​ര​ള​ത്തി​നാ​ണ്. ഈ ​വ​ണ്ടി​ക​ളു​ടെ അ​വ​സാ​ന സ്റ്റോ​പ്പാ​യ ചെ​ങ്കോ​ട്ട ത​മി​ഴ്നാ​ട് -കേ​ര​ള അ​തി​ർ​ത്തി​യി​ലാ​ണ്.

അ​തു​കൊ​ണ്ട് ത​ന്നെ ചെ​ങ്കോ​ട്ട​യി​ൽ എ​ത്തു​ന്ന​വ​ർ​ക്ക് ട്ര​യി​നി​ൽ ത​ന്നെ വേ​ഗ​ത്തി​ൽ പു​ന​ലൂ​രി​ലും കൊ​ല്ല​ത്തും എ​ത്താ​ൻ ക​ഴി​യും. അ​തു​കൊ​ണ്ട് ത​ന്നെ ത​മി​ഴ്നാ​ട്ടി​ൽ വ്യാ​പാ​ര ആ​വ​ശ്യ​ങ്ങ​ൾ​ക്ക് പോ​യി വ​രു​ന്ന നൂ​റു ക​ണ​ക്കി​ന് മ​ല​യാ​ളി​ക​ൾ​ക്ക് ഇ​ത് ഗു​ണം ചെ​യ്യും.

വൈ​ദ്യു​തി ട്രെ​യി​നു​ക​ൾ ഓ​ടി​ത്തു​ട​ങ്ങു​ന്ന സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ​ക്കും യാ​ത്ര​ക്കാ​ർ​ക്കും ജീ​വ​ന​ക്കാ​ർ​ക്കും റെ​യി​ൽ​വേ അ​ധി​കൃ​ത​ർ ജാ​ഗ്ര​താ നി​ർ​ദേ​ശ​വും ന​ൽ​കി​യി​ട്ടു​ണ്ട്.

ഹൈ ​വോ​ൾ​ട്ടേ​ജ് ലൈ​ൻ ആ​യ​തി​നാ​ൽ ര​ണ്ട് മീ​റ്റ​ർ അ​ക​ലെ​പ്പോ​ലും ഷോ​ക്ക​ടി​ക്കാ​നു​ള്ള സാ​ധ്യ​ത​യു​ണ്ട് എ​ന്ന​താ​ണ് പ്ര​ധാ​ന മു​ന്ന​റി​യി​പ്പ്. മ​ഴ​യും ഇ​ടി​മി​ന്ന​ലു​മു​ള്ള സ​മ​യ​ത്ത് ഓ​വ​ർ ഹെ​ഡ് ഇ​ല​ക്ട്രി​ക് ലൈ​നി​നു സ​മീ​പ​ത്ത് കൂ​ടി കു​ട​ക​ൾ നി​വ​ർ​ത്തി​പ്പി​ടി​ച്ച് സ​ഞ്ച​രി​ക്കു​ന്ന​തും സു​ര​ക്ഷി​ത​മ​ല്ല.

ബോ​ഗി​ക​ൾ​ക്കും ഗു​ഡ്സ് വാ​ഗ​ണു​ക​ൾ​ക്കും മു​ക​ളി​ൽ ക​യ​റു​ന്ന​തും അ​പ​ക​ട​ക​ര​മാ​ണ്. മു​ക​ളി​ൽ ക​യ​റി സെ​ൽ​ഫി എ​ടു​ക്കാ​നും പാ​ടി​ല്ല.റെ​യി​ൽ​വേ ഓ​വ​ർ ബ്രി​ഡ്ജ്, ഫു​ട് ഓ​വ​ർ ബ്രി​ഡ്ജ് എ​ന്നി​വി​ട​ങ്ങ​ളി​ൽ നി​ന്ന് ഒ​രു സാ​ധ​ന​വും ഓ​വ​ർ ഹെ​ഡ് ലൈ​നി​ലേ​യ്ക്ക് വ​ലി​ച്ചെ​റി​യ​രു​തെ​ന്നും മു​ന്ന​റി​യി​പ്പി​ൽ പ​റ​യു​ന്നു. ഇ​ത് വ​ൻ അ​പ​ക​ട​ങ്ങ​ൾ​ക്ക് വ​ഴി​വ​ച്ചേ​ക്കാം.

ഓ​വ​ർ ഹെ​ഡ് ലൈ​നി​നോ​ട് ചേ​ർ​ന്നു​ള്ള മ​ര​ങ്ങ​ൾ മു​റി​ക്കു​ന്ന​ത് അ​ധി​കൃ​ത​രി​ൽ നി​ന്ന് മു​ൻ​കൂ​ർ അ​നു​മ​തി വാ​ങ്ങി വേ​ണം ചെ​യ്യേ​ണ്ട​ത്. ല​വ​ൽ​ക്രോ​സു​ക​ൾ വ​ഴി ക​ട​ന്നു​പോ​കു​ന്ന വാ​ഹ​ന​ങ്ങ​ൾ​ക്ക് മു​ക​ളി​ൽ ആ​രും യാ​ത്ര ചെ​യ്യ​രു​ത്.

അ​നു​വ​ദീ​യ​മാ​യ​തി​ന് അ​പ്പു​റം ല​ഗേ​ളു​ക​ളും വാ​ഹ​ന​ങ്ങ​ൾ​ക്ക് മു​ക​ളി​ൽ ക​യ​റ്റാ​ൻ പാ​ടി​ല്ല. മെ​റ്റ​ൽ ക​ഴ​ക​ളി​ൽ കൊ​ടി​ക​ൾ കെ​ട്ടി പ്ര​ക​ട​ന​ങ്ങ​ൾ ന​ട​ത്തു​ന്ന​വ​രും ല​വ​ൽ ക്രോ​സു​ക​ൾ വ​ഴി പോ​കു​മ്പോ​ൾ ക​ർ​ശ​ന ജാ​ഗ്ര​ത പാ​ലി​ക്ക​ണ​മെ​ന്നും മു​ന്ന​റി​യി​പ്പി​ലു​ണ്ട്.